2 Korente 4:16 - MUKANDA WA MYIDI MUKULU

¹⁶ Ke patudi katuyi tuteketa mu maboku. Nansha bukole bua mubidi buenda buteketa ku kakese ku kakese, muoyi utudi tupeta kudi Mvidi Mukulu udi wenda ukola ku dituku ku dituku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku katuena tuhanga; kadi bikala mibidi yetu ifuafua ifuafua, mioyo yetu idi ivuishibua mihia-mihia ku dituku ku dituku.

2 Korente 4:16 交叉引用

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Kolose 3:10

Nuenu kulala muntu mupiamupia, udi udienzulula diba dionsu ku tshimfuanyi tshia Mvidi Mukulu, Mumufuki wende, bua amone mua kumumanya menemene.

Yeshaya 40:29

Muntu udi mutekete, Maweja-Nangila udi umupingajila makanda. Badi bapanga bukole, udi ubuwuja tente nabu.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

Misambu 73:26

Nansha mubidi wanyi ne muoyi bienda bishikila, kadi wewe Mvidi Mukulu udi bukole buanyi, ushale wanyi diba dionsu.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Rome 7:22

Mu kondu kanyi ka munda, ndi nsanka bua mikenji ya Mvidi Mukulu.

Tite 3:5

ke Yeye kusungidila, ki mbua midimu mimpe ituvua benze, kadi anu bua luse luende. Uvua mutusungidile, bualu bavua bafume mu mayi, batulele tshiakabidi, batupeshe muoyi mupiamupia kudi Mueyelu wa Tshijila.

Misambu 27:13

Meme tshiyi mujadike ne: Maweja-Nangila mmunange, mungasomba bimpe mu buloba ebu mbishi?

1 Petro 3:4

Kadi buimpe buenu buikale bua mundamunda, budi kabuyi bunyanguka. Nuikale ne muoyi wa lutuulu ne wa bupole. Ke bidi ne mushinga muvule ku mesu kua Mvidi Mukulu.

Efeze 4:23

Nuikale bantu bapiabapia. Nupete ne meji mapiamapia.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

2 Korente 12:15

Ndi njinga kufila bionsu bindi nabi ne disanka bualu buenu. Nendifile ne meme mene bua kunuambuluisha. Kadi dinnanga dienu nedikepele, padi dinunanga dianyi dienda divulangana anyi?

Luke 11:3

Utupe ku dituku ku dituku tshiakudia tshitudi tukengela.

Misambu 119:81

Ndi nditatshisha bua kupeta diambuluisha diebe, mutekemene tshiudi wamba.

Yirmeya 45:3

Udi udila muadi ne: “Akia! Malu anyi onsu adi amu mabi! Meme mudianjile kuikala ne ntatu ya bungi, Maweja-Nangila, untumina kabidi mikuabu. Ndi mupungile ntua mikemu, tshiena ne dikisha nansha dikese!”

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.