2 Korente 4:10 - MUKANDA WA MYIDI MUKULU

¹⁰ Tudi Ulambula diba dionsu mu mubidi wetu lufu lua Kristu, bua muoyi udi Kristu ufila, umueneke kabidi mu mubidi wetu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ misangu yonso tudi tutuala dishihibua dia Yesu mu mibidi yetu, bua muoyo wa Yesu umueneshibue kabidi mu mibidi yetu.

2 Korente 4:10 交叉引用

Rome 6:5

Bualu patudi badisange nende mu lufu ludi bifuanangane ne luende, netudisange kabidi nende mu dibika dia ku bafue difuanangane ne diende.

2 Timote 2:11

Miaku eyi idi milelela: “Bituikala bafue nende, netuikale nende ne muoyi;

1 Petro 4:13

Panudi nudisanga ne Kristu mu makenga ende, nusanke. Nanku pamueneka butumbi buende, nenusanke kabidi nutshionkomoka.

Rome 6:8

Patudi bafue pamue ne Kristu, tudi tuitaba ne: netubike kabidi pamue nende.

2 Korente 13:4

Bushuwa uvua muteketele bantu bayua bamupopele ku mutshi mutshiamakane. Kadi mpindiewu udi ne muoyi ku bukole bua Mvidi Mukulu. Tuetu kabidi, badisange nende, tudi ne butekete. Kadi netupete muoyi pamue nende ku bukole bua Mvidi Mukulu. Nenujadike bualu ebu.

2 Korente 1:5

Patudi tudisanga ne Kristu mu makenga ende mavule, Kristu udi utusamba kabidi bipite.

Rome 8:36

Bu mudi Mukanda wa tshijila wamba ne: “Bu mutudi bebe, tudi mu njiwu ya lufu dituku dijima. Badi batutangila bu mikoku idibu mua kuya nayi bua bayishipe.”

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

2 Korente 1:9

Tuvua bele meji ne: mbamane kutufundila tshibawu tshia lufu. Kadi bivua bienzeka nanku, bua tulonge mutudi katuyi mua kuditekemena, kadi tutekemene amu kudi Mvidi Mukulu udi ubisha bafue.

Ngalate 6:17

Matuku adi kumpala, muntu kantatshishi kabidi to. Bualu bibangu bindi nabi ebi bidi bijadika mundi mupika wa Yezu.

Yowanane 14:19

Kunyima kua katupa, ba panu kabakummona kabidi to. Kadi nuenu nenummone, bualu ndi ne muoyi, nuenu kabidi nenuikale ne muoyi.

Didimanyisha 1:17

Meme mumumone nanku, mvua mupone panshi ku makasa ende bu muntu mufue. Ke yeye kuteka tshianza tshiende tshia balume pambidi panyi, wamba ne: — Kutshinyi to! Meme ndi wa kumpala ne wa ndekelu.

2 Korente 4:11

Matuku etu onsu a panu, tudi amu mu njiwu ya lufu bualu bua Yezu, bua muoyi udi Kristu ufila, umueneke kabidi mu mubidi wetu udi ne bua kufua.

1 Petro 4:14

Nudi bena diakalenga, padibu banupenda bualu nudi nulonda Kristu munyima. Bualu Mueyelu wa butumbi, Mueyelu wa Mvidi Mukulu mmunutulukile.