2 Korente 3:5 - MUKANDA WA MYIDI MUKULU

⁵ Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ kembua tuetu tudi tukumbana nkayetu bua kudibadila bualu bu mudibu bufuma kutudi, kadi dikumbana dietu didi difuma kudi Nzambi;

2 Korente 3:5 交叉引用

2 Korente 12:9

Kungandamunaye ne: “Tshiudi natshi dikenga, ke amu dinanga dindi nkunanga nadi, bualu bukole buanyi budi budileja patoke paudi muena butekete.” Ke mundi musue kuditemba nangananga bua butekete buanyi, bua bukole bua Kristu buntulukile.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

1 Korente 15:10

Kadi bu muvua Mvidi Mukulu munnange, nkadi bu mundi emu. Dinanga diende divua dikuata mudimu munda muanyi. Ndi mukuate mudimu mupite bapostolu bakuabu bonsu. Uvua ukuata mudimu awu ki mmeme to, kadi Mvidi Mukulu pamue nanyi, bualu uvua munnange.

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

Yowanane 15:5

Ndi mutshi wa nwinyo. Nuenu nudi matamba. Muntu udi ushala mudisange nanyi, kabidi undi ndisanga nende, neakuame bimuma bia bungi. Bualu nuenu kanuyi nanyi, kanuena mua kuenza bualu nansha bumue.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

1 Korente 3:6

Mvua mukune maminu, Apolose kuamiamina mayi. Kadi Mvidi Mukulu ke udi wamenesha.

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

1 Korente 3:10

Bilondeshile dipa dimvua mupete patupu kudi Mvidi Mukulu, mvua mulongolole bia kuasa nabi nzubu, meme kuibaka kabidi tshitaku. Mpindiewu mukuabu udi ubandisha bimana. Kadi muntu yonsu amanye mushindu udiye ne bua kuibaka.

2 Korente 2:16

Bua badi bajimina, dipembu adi didi diumvuika mupuya mubi udi ufila lufu. Bua badi mu njila wa lupandu, dipembu adi didi diumvuika mupuya muimpe udi ufila muoyi. Nanku udi ne bukole bua kukumbaja mudimu wa mushindu ewu nnganyi?

Luke 24:49

Meme mene nennutumine tshivua Tatu wanyi mulaye. Kadi nushale mu tshimenga, too ne panupuekela bukole bua kulu.

Genese 41:16

Yozefe kuandamuna ne: — Meme tshiena mua kuenza nanku to. Amu Mvidi Mukulu nkayende ke udi mua kujingulula ndota yebe biakane.

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.