2 Korente 2:11 - MUKANDA WA MYIDI MUKULU

¹¹ Bualu tshiena musue bua diabolu atutshimune. Bualu tudi bamanye meji mabi adiye nawu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ bua Satana kikadi ne muaba wa kutuhitshila budimu; bualu bua tuetu katuena tuhanga kumanya madimu andi.

2 Korente 2:11 交叉引用

1 Petro 5:8

Ikalayi batabale, nudimuke! Bualu muluishi wenu diabolu udi bu nyama wa ntambue, ukungula, ukeba wa kudiaye.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

Luke 22:31

— Simone, Simone! Dimuka! Diabolu mmulombe bua kunuteta, bu mudibu bapepula ntete ya kuenza bukula, bumusha bisote.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

2 Korente 11:14

Katuena ne bua kukema nansha. Diabolu kabidi udi mua kudisokoka, kudileja ne bukenke bu mutumibue wa Mvidi Mukulu.

1 Korente 7:5

Kanubenganganyi mu nzubu. Panuikala basue kubengangana nanku, nuanji kumonangana. Nuenze kabidi nanku amu bua matuku makese, bua numone mua kutendelela muenu muonsu. Pashishe nudisange tshiakabidi mu nzubu, muenu mua tshibidilu. Kanuyi benze nanku, nudi mua kupanga kudilama, diabolu udi mua kunuteya, kunutshimuna.

Yobe 2:3

Maweja-Nangila kumuebeja ne: — Uvua mumone muntu wanyi Yobe anyi? Pa buloba kapena muntu udi mufuanangane nende nansha. Yeye udi unnemeka, ungitaba. Udi muntu muimpe. Mmubenge malu mabi. Uvua munsake amu bua meme kumukengesha kapayi bualu. Kadi nansha nanku, utshidi amu undamata.

2 Timote 2:25

Udi ne bua kulongesha bantu badi bamuela mpata, kayi ufika munda. Bumue nebapete kudi Mvidi Mukulu mushindu wa kudilengeja, ne wa kumanya bulelela.

Yowanane 13:2

Yezu ne balongi bende bavua mu didia dia dilolu. Diabolu ukavua mumane kuitabijija Yudase muana wa Simone Iskariyote, bua elele Yezu tshitungu.

Didimanyisha 2:24

“Kadi nuenu, bena ditaba bakuabu ba mu Tshisumbu tshia mu Tiyatira, kanuvua bitabe dilongesha dibi edi; kanuvua balonge bidi bantu aba bamba ne: ‘mMalu masokome a diabolu’. Ndi nnujadikila ne: tshiena mua kunuomekela bujitu bukuabu to.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Yobe 2:9

Mukajende kumuambila ne: — Utshidi amu ulamata Maweja-Nangila muebe muuvua amu bua tshinyi? Umuele mulawu! Umutshipe. Utue!

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Yobe 1:11

Ndi nkujadikila ne: bu wewe mua kumunyenga bionsu bidiye nabi, neakuele mulawu bantu bonsu bumvue.

Yobe 2:5

Kadi ndi nkujadikila ne: bu wewe mua kumunyanga mubidi, neakuele mulawu bantu bonsu bumvue.