2 Korente 13:1 - MUKANDA WA MYIDI MUKULU

¹ Nkadi pa kufika kuenu aku musangu muisatu bua kumonangana nenu. Mukanda wa tshijila udi wamba ne: “Badi mua kufunda muntu ku tshilumbu, amu padi bantu babidi nansha basatu batshijadika.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Eu musangu muisatu undualua kunudi. Mukana mua bamanyi babidi anyi basatu dî dionso nedijadikibue.

2 Korente 13:1 交叉引用

Matayi 18:16

Kadi pikalaye kayi mukuteleje, nupingane kudiye ne muntu umue nansha babidi, bua “Bualu buonsu babujadike kudi bantu babidi nansha basatu,” mudi Mukanda wa tshijila wamba.

Dielulula 19:15

Padi muntu mushipangane, munyangakaje mikenji, nansha muenze buenzayi bukuabu, muntu umue kena mua kujadika tshilumbu atshi to, anu bantu babidi nansha basatu.

Dielulula 17:6

Kanuena mua kushipa muena tshibawu awu kanuyi banji kujadika tshilumbu kudi bantu babidi nansha basatu. Muntu umue kena mua kujadika bualu to.

Dibadika 35:30

“Bua kufundila mushipianganyi tshibawu tshia lufu, anu pikalabu bajadike tshilumbu atshi kudi bantu ba bungi, kadi ki nkudi muntu umue to.

2 Korente 12:14

Nkadi pa kufika kuenu aku, bua musangu wanyi muisatu. Bujitu buanyi kabuakuikala pa makaya enu to. Tshiena nkeba biuma bienu. Ndi nnukeba amu nuenu mene. Bualu bana kabena ne bua kudisha baledi to. Amu baledi ke badi ne bua kudisha bana babu.

1 Bakalenga 21:10

Muaba udi Nabote muimanyine awu, nushikikepu bantu babidi bena dikamakama, bikale balulamangane ne Nabote. Bantu abu, nebamushiminyine ne: Nabote udi usendeka Mvidi Mukulu, usendeka ne mukalenga Akabe. Pashishe, nupatuke nende mu tshimenga, numuase mabue, numushipe.”

1 Bakalenga 21:13

Bantu babidi kusomba, balulamangane ne Nabote. Bantu abu, kumushiminyina malu kumpala kua bantu bonsu, bamba ne: — Nabote udi usendeka Mvidi Mukulu, usendeka ne mukalenga Akabe kabidi! Diakamue, kupatukabu ne Nabote mu tshimenga, kumuasa mabue, kumushipa.

1 Bakalenga 1:14

Muambi Natane kuambila Batsheba kabidi ne: — Pawikala mumane kuambila mukalenga bionsu abi, meme kabidi nemfike bua kumujadikila bionsu biwikala mumuambila.