2 Korente 10:7 - MUKANDA WA MYIDI MUKULU

⁷ Nudi nutangila nangananga bidi bimueneka ku mesu. Nanku padi muntu wela meji ne: ndi wa Kristu, amanye ne: tuetu kabidi tudi ba Kristu, mudiye yeye amu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nuenu nutu nuatangila bintu bidi ku mesu kuenu. Biaditekemena muntu ne, Ndi wa Kilisto, yeye ajingulule bualu ebu kabidi munda muandi ne, Bingikala wa Kilisto, tuetu kabidi tudi ba Kilisto.

2 Korente 10:7 交叉引用

2 Korente 5:12

Katuena basue kuditemba tshiakabidi kunudi. Kadi tudi tujinga kunupetesha tshikondu tshinudi mua kuditemba bualu buetu. Ke munudi mua kupuwisha badi baditemba bua bidi bimueneka, kabayi bamanye bidi mu muoyi wa muntu.

1 Korente 14:37

Padi muntu wela meji ne: ndi muambi, nansha ne: ndi mupete dipa kudi Mueyelu, amanye ne: bindi munufundile ebi mmukenji wa kudi Mfumu.

2 Korente 11:23

Badi bakuatshila Kristu mudimu anyi? Nanku, — ndi ngakula bu muntu mujimije lungenyi — meme kabidi ndi mukuatshile Kristu mudimu, mubapite bonsu! Bayua bankengesha bipite muyuabu babakengesha bobu. Bayua bangela mu lukanu misangu ya bungi. Bayua bantuuta bipite. Meme kubuela mu njiwu ya lufu misangu ne misangu.

Yowanane 7:24

Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.

1 Yone 4:6

Kadi tuetu tudi bantu ba Mvidi Mukulu. Muntu udi kayi wa Mvidi Mukulu, kena ututeleja to. Muntu udi mumanye Mvidi Mukulu, udi ututeleja. Ke mutudi mua kusunguluja Mueyelu wa bulelela ne mueyelu wa ntupakanyi.

1 Korente 9:1

Tshiena mua kuenza mundi musue anyi? Tshiena mupostolu anyi? Tshiona mumone Yezu Mfumu wetu anyi? Nuenu kanuena tshipeta tshia ku mudimu undi mukuatshile Mfumu anyi?

1 Korente 3:23

Kadi nuenu nudi bantu ba Kristu, Kristu pende udi wa Mvidi Mukulu.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

1 Korente 1:12

Nudi bamanye tshindi musue kuamba. Yonsu wa kunudi udi wamba muende munga, yonsu wende mushindu. Ewu ne: “Ndi ndonda Polu”; mukuabu ne: “Ndi ndonda Apolose”; mukuabu ne: “Meme amu Petro”; wawakabidi ne: “Meme amu Kristu.”

2 Korente 13:3

Nudi basue kujadika mudi Kristu wakuila mukana muanyi. Nanku nenujadike bualu ebu diba adi. Kristu kakunuteketela to. Kadi nealeje bukole buende munkatshi muenu.

2 Korente 12:11

Mvua mudileje bu muntu mutatakane. Kadi nuenu nuvua bambidike bua ngenze nanku. Nuenu ke bayua mua kundumbuluila. Bualu nansha meme muntu wa patupu, tshiena mushadile kudi bapostolu benu banudi nuamba ne: mba kalandamusenga abu.

2 Korente 11:18

Bu mudi bantu bavule baditemba bua malu a panu, ndi mua kuditemba kabidi.

2 Korente 11:4

Bualu nudi nuitaba pa lukasa muntu udi unulongesha Kristu mushilangane ne utuvua banulongeshe. Nudi basue kuakidila diakamue mueyelu mushilangane ne unuvua bapete, nuanyisha kabidi Lumu lua Disanka lushilangane ne lutuvua banulongeshe.

1 Korente 15:23

Kadi muntu yonsu udi ubika mu wende mulongu. Kristu ke ntungamulongu wa bantu bonsu badi babika. Padiye upingana panu, badi bende nebabike kabidi.

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Matayi 23:5

Badi benza midimu yabu yonsu bua bantu babamone. mBafunde miaku ya tshijila pa mikaba minene, idibu basuika pa mpala nansha ku maboku. Binkutu biabu bidi ne nzemba minene kabidi.

1 Samuele 16:7

Kadi, Maweja-Nangila kuambila Samuwele ne: “Kutangidi buimpe bua mpala, nansha bule bua muntu. Meme tshiena mumusungule to. Meme tshiena ntangila, mudi bantu batangila to. Bantu badi batangila amu mpala, ne mushindu udi muntu. Kadi meme ndi ntangila too ne munda mua muntu.”