2 Korente 10:10 - MUKANDA WA MYIDI MUKULU

¹⁰ Bualu badi bamba ne: “Mu mikanda ya Polu mudi miaku mikole idi itapa ku matshi. Kadi padiye munkatshi muetu, udi bu kantu ka patupu, wakula bikuata ne luse.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua batu bamba ne, Mikanda yandi idi ne bujitu ne idi ne bukole; kadi kumueneka kua mubidi wandi kudi kutekete, ne dî diandi didi dia hatuhu.

2 Korente 10:10 交叉引用

1 Korente 1:17

Kristu kavua muntume bua kutua bantu mu mayi nansha. Uvua muntume bua kumanyisha bantu Lumu lua Disanka. Kadi tshiena ndumanyisha ne meji a bantu, bua lufu lufuila Kristu pa mutshi mutshiamakane kalujimiji bukole bualu.

2 Korente 11:6

Bumue tshiena mumanye mua kuakula bimpe. Kadi bua dimanya, ndi nadi. Ke bimvua munuleje patoke matuku onsu, kabidi mishindu yonsu.

Ekesode 4:10

Moshe kubenga, wambila Maweja-Nangila ne: — Maweja-Nangila, tshiena mua kuya to. Katshia bandela too ne mpindiewu patudi nebe apa, tshiena mumanye mua kuakula bimpe to. Ndi ntata bikole bua kuamba bualu.

2 Korente 10:1

Meme Polu, ndi ne bua kudilumbuluila mpindiewu. Badi bangamba ne: ndi ne bowa, pandi munkatshi muenu. Kadi pandi kule, ndi nnubela ne dikima. Bu mudi Kristu ne muoyi mulenga wa bupole, ndi nnusengelela ne:

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

Yirmeya 1:6

Ke meme kuandamuna ne: — Eyi! Maweja-Nangila Mvidi Mukulu, ntshidi muana mukese. Tshiena mua kuakula munkatshi mua bantu to.

2 Korente 10:9

Tshiena musue kumueneka bu muntu udi ukeba kunukuatshisha bowa ne mikanda yanyi.

2 Korente 10:11

Muntu udi wamba nanku, amanye ne: bu mudi mikanda yanyi inutapa ku matshi, meme muikale kule, ke muanutapa kabidi miaku yanyi ku matshi patuamonangana nenu mpala ne mpala.

2 Korente 11:21

Bu mumvua tshiyi ne bukole bua kunukengesha nanku, ndi ngumvua bundu be! Kadi pikala muntu ukimina kuditambisha, — ndi ngakula bu muntu mupale — ndi mua kuditambisha ne meme kabidi.

2 Korente 13:3

Nudi basue kujadika mudi Kristu wakuila mukana muanyi. Nanku nenujadike bualu ebu diba adi. Kristu kakunuteketela to. Kadi nealeje bukole buende munkatshi muenu.