2 Bakalenga 7:20 - MUKANDA WA MYIDI MUKULU

²⁰ Bionsu abi kuenzeka: bantu bavua bunguila ku tshiibi tshia ku tshimenga, kudiatakaja muntu uvua wenda miaba yonsu ne mukalenga wa bena Izrayele, muntu awu kufua.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu buakalua nunku kudiye; bantu bakamudiata mu makasa ku tshibi, yeye wakafua.

2 Bakalenga 7:20 交叉引用

Yobe 20:23

Patshidiye uwuja difu diende tente, ke padi Mvidi Mukulu umudisha tshiji tshiende, mpindiewu udi utshidia ukuta.

2 Kulondolola 20:20

Patshiatshia kuyabu bonsu mu tshipela tshia Tekowa. Pa kuyabu, Yosafate kubambila ne: — Bena Yerushalayime, bena Yuda, ntelejayi! Tekemenayi kudi Maweja-Nangila Mvidi Mukulu wenu. Nenupete bukole. Tekemenayi kudi bambi bende. Nenutshimune mvita!

Dibadika 20:12

Maweja-Nangila kuambila Moshe ne Arone ne: — Kanuena bitabe mumvua munuambile. Kanuvua basue bua ndeje bena Izrayele tshijila tshianyi. Nanku kanuakufikisha bena Izrayele mu ditunga dingabapesha to.

2 Bakalenga 7:19

Muntu uvua wenda miaba yonsu ne mukalenga wa bena Izrayele uvua mubenge, wamba ne: “Nansha Maweja-Nangila mutunzuluile biibi bia mu diulu bua kututumina ntete, bualu buudi wamba ebu budi mua kuenzeka anyi?” Nanku, muambi Elisha uvua mumuandamune ne: “Eyowa, wewe neumone bualu ebu. Kadi kuakudia bintu abi to.”

2 Bakalenga 8:1

Dituku dikuabu, muambi Elisha kuambila mukaji, muena muana uvuaye mubishe ku lufu, ne: — Umuka munemu ne bena nzubu webe, nuye kusomba muaba unudi basue. Bualu Maweja-Nangila mmusue kutuma tshiyole tshia nzala mu ditunga dia bena Izrayele. Tshiyole atshi, tshikadi tshituadija anu mpindiewu. Netshinenge bidimu muanda mutekete.

Yeshaya 44:26

Kadi ndi nkumbaja, bivua bantu banyi bamba. Ndi nkumbaja malu avua bantu, bamvua mutume, bamane kumanyisha. Ndi njadika ne: ‘Bantu nebasombe tshiakabidi mu Yerushalayime. Nengasulule bimana bia tshimenga.’ Ndi ngamba kabidi ne: ‘Nebasulule bimenga bia bena Yuda.’

Yirmeya 28:17

Nanku muambi Ananiya kufua tshidimu atshi mu ngondu wa muanda mutekete.