2 Bakalenga 6:16 - MUKANDA WA MYIDI MUKULU

¹⁶ Muambi Elisha kumuandamuna ne: — Kutshinyi to! Batudi nabu tuetu mbapite badibu nabu ku bungi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakamuambila ne, Kutshinyi nansha; bualu bua badi nʼetu badi bahita badi nʼabo bungi.

2 Bakalenga 6:16 交叉引用

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

Misambu 55:18

Dinda, munda munya, ne dilolu, ndi ndiabakena, ntua mikemu. Kadi neunwue lubila luanyi.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Matayi 26:53

Kuena mumanye ne: ndi mua kubila Tatu wanyi, Yeye kuntumina amu mpindiewu batumibue bende bapite pa bisumbu dikumi ne bibidi bua kungambuluisha.

Misambu 27:3

Nansha tshituilu tshijima tshingela munkatshi, tshiena ngumvua bowa. Nansha babanga mvita, ndi nsomba amu talalaa.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Filipe 1:28

Kanutshinyi baluishi benu nansha kakese. Lejayi bukitu. Bualu ku bukitu buenu ke kualejila Mvidi Mukulu ne: baluishi benu badi babutuka, kadi nuenu nudi nuenda mu njila wa lupandu.

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Misambu 3:6

Butuku ndi ndala amu bilenga, bualu udi undama too ne mundi mbika dinda.

Marke 16:6

Kadi yeye kubambila ne: — Nudi nukeba Yezu wa mu Nazarete uvuabu bapopela pa mutshi mutshiamakane. Ukadi mumane kubiika ku lufu, kena apa nansha. Jojayi muaba uvuabu bamuteke. Kanutshinyi nansha.

Misambu 11:1

Musambu wa mu mukanda wa mulombodi wa misambu, kabidi wa mu mukanda wa misambu ya Davide. — Ndi nsokoma kudi Maweja-Nangila. Munudi nungamba ne: “Buuka bu nyunyi mu mikuna” mmunyi?

Genese 32:1

Butshia Labane ubika ne dinda dionsu, kulayanganaye ne bana bende pamue ne bikulu bende bonsu. Kubajingila dikasa dimpe. Kupinganaye kuende.

2 Bakalenga 6:15

Butshia dinda, muena mudimu wa muambi Elisha ubika bua kupatuka mu tshimenga, kumonaye bena mvita, nyama ya tubalu ne matempu a mvita, binyungulula tshimenga. Muena mudimu kuela diyi ne: — Eyi, mfumuanyi! Netuenze tshinyi?

Yoshua 11:6

Maweja-Nangila kuambila Yoshuwa ne: — Kubatshinyi to. Malaba pa diba ditudi edi, nemfile bantu aba bonsu mu bianza bia bena Izrayele, bamane kutapika mputa ya lufu. Neukose nyama yabu ya tubalu mifimgu ya mikonu. Newoshe matempu abu a mvita.

Yirmeya 39:17

Kadi pafika dituku dia dikenga, tshiakuanyisha bua uye mu bianza bia bantu baudi utshina.