2 Bakalenga 5:16 - MUKANDA WA MYIDI MUKULU

¹⁶ Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi Elisha wakamuambila ne, Bu mudi Yehowa ne muoyo, undi ngimana ku mpala kuandi, tshiena mua kukuangata. Yeye wakamusengelela, kadi yeye wakabenga.

2 Bakalenga 5:16 交叉引用

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

2 Bakalenga 3:14

Elisha kubambila kabidi ne: — Bu mudi Maweja-Nangila Mvidi Mukulu wa bukole buonsu, undi ngenzela mudimu ne muoyi, ndi nnuandamuna anu, bualu ndi nnemeka Yosafate mukalenga wa bena Yuda. Bu meme tshiyi nnemeka Yosafate, tshivua mua kukuteleja, nansha kukutangila mene to.

Danyele 5:17

Daniyele kuandamuna mukalenga ne: — Mukalenga, lama bintu biebe bia masanka, ne bia kalumbandi, nansha ubipeshe bantu bakuabu. Kadi nenkubadile bualu budibu bafunde, kabidi nenkumvuijebu.

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

2 Korente 12:14

Nkadi pa kufika kuenu aku, bua musangu wanyi muisatu. Bujitu buanyi kabuakuikala pa makaya enu to. Tshiena nkeba biuma bienu. Ndi nnukeba amu nuenu mene. Bualu bana kabena ne bua kudisha baledi to. Amu baledi ke badi ne bua kudisha bana babu.

1 Korente 6:12

Bamue ba kunudi badi bamba ne: “Ndi mua kuenza bionsu bindi musue.” Bidi nanku! Kadi bionsu kabiena bikulengelela nansha. Mvua mua kuamba ne: “Ndi mua kuenza bionsu bindi musue,” kadi tshiena mua kudienza mupika wa muntu, nansha wa tshintu.

Matayi 10:8

Nujikije masama a babedi, nubishe bafue, numushe nsudi ya badi nayi, nuipate mikishi mibi. Bavua banupa bionsu tshianana, nupangane kabidi tshianana.

1 Bakalenga 18:15

Muambi Eliya kuandamuna ne: — Bu mudi Maweja-Nangila ne muoyi, Maweja-Nangila wa bukole buonsu, undi nkuatshila mudimu, ndi nkujadikila ne: lelu netumonangane ne Akabe.

1 Bakalenga 13:8

Kadi muambi kuandamuna mukalenga Yerobowame ne: — Nansha wewe mumpeshe tshia bibidi tshimue tshia bubanji buebe, tshiena mua kuya ku nzubu kuebe to. Muaba ewu, tshiena mua kudia kapese ka diampa, nansha kunua kamata ka mayi to.