2 Bakalenga 4:17 - MUKANDA WA MYIDI MUKULU

¹⁷ Mukaji awu, kuimita difu. Tshidimu tshikuabu, anu tshikondu tshia mumue atshi, kulelaye muana wa balume muvua muambi Elisha mumuambile.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mukashi eu wakimita difu, wakalela muana wa balume ku tshikondo atshi hakakumbana ngondo yandi bu muakamuambila Elisha.

2 Bakalenga 4:17 交叉引用

Luke 1:36

Muanenu Elisabete, nansha mudiye tshikunda, udi pende ne difu dia muana wa balume. Dikadi mpindiewu dia ngondu isambombu. Eku bavua bamuamba ne: kena mua kulela.

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Genese 21:1

Maweja-Nangila kusankisha Sara, kumukumbaja bionsu bivuaye mumulaye.

Ebrewu 11:11

Amu bua ditaba, Abrahame kupeta bukole bua kulela, nansha mukavuaye mukulakaje. Sara kabidi kavua mua kulela to. Abrahame uvua mushindike ne: Mvidi Mukulu neakumbaje bivuaye mulaye.

2 Bakalenga 4:16

Elisha kumuambila ne: — Tshidimu tshidi kumpala etshi, anu tshikondu etshi, neukongoloje muana wa balume mu maboku. Kadi, mukaji kuela diyi ne: — Kundingi to! Wewe udi muambi wa Mvidi Mukulu, lekela kungambila bualu bua dishima!

2 Bakalenga 4:18

Muana awu kukola. Dituku dikuabu, kuyaye kumonangana ne tatuende uvua wenza mudimu mu madimi ne banowi ba bintu.