2 Bakalenga 24:13 - MUKANDA WA MYIDI MUKULU

¹³ Nanku, Nebukadnesare kupawula bintu bia mushinga mukole bivua mu nzubu wa Mvidi Mukulu ne bivua mu nzubu wa bukalenga. Kushipaye bintu bionsu bivuabu benza ne tshiamu tshia mpawungi, bivua mukalenga Shelomu muenzeje bua kutendelela nabi mu nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakatuala bintu bimpe bionso bia mu bibutshilu bia mu nsubu wa Yehowa ne bia mu nsubu wa mukelenge; wakakosa bintu bia or bionso bituha bituha biakenza Solomo, mukelenge wa Isalele, mu ntempelo wa Yehowa, bu muakamba Yehowa.

2 Bakalenga 24:13 交叉引用

Yeshaya 39:6

Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekemu kudi bakalenga bavua bakudianjidile, bintu bionsu ebi nebaye nabi ku Babilone. Maweja-Nangila udi wamba ne: Muaba ewu kawakushala tshintu to.

2 Bakalenga 20:17

“Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekamu kudi bantu bavua bakudianjidila mu bukalenga, bintu bionsu abi nebaye nabi mu Babilone. Muaba ewu, kawakushala tshintu to. Ke mudi Maweja-Nangila wamba.

Yirmeya 20:5

Bubanji bonsu buvua bantu ba mu tshimenga etshi nabu, difutu dionsu dia ku mudimu wabu, bintu bia mushinga bivuabu nabi, nansha biuma mene bivua bakalenga ba bena Yuda nabi, bionsu abi, nembifile kudi baluishi babu. Bobu abu nebabipawule, nebabiangate, baye nabi mu Babilone.

Yirmeya 28:6

— Eyowa, ndi njinga bua Maweja-Nangila enze bu muudi wamba amu, akumbaje biuvua muambe, apingaje bintu bia tshijila bia mu nzubu wa Mvidi Mukulu bidi mu Babilone, ne bantu bonsu badi mu bupika.

2 Kulondolola 36:7

Kuangataye kabidi bintu bishilangane bia mu nzubu wa Mvidi Mukulu, kuya nabi mu Babilone mu nzubu wende wa bukalenga.

Yirmeya 17:3

ne mu mpata mitumbuke. Nuenu bena Yuda telejayi. Ndi ntuma bantu, bua kupawula biuma bienu bionsu, bua banyange miaba inudi nutendelela. Ke mundi nnunyoka bua bubi bunudi nuenza mu ditunga dijima.

Yezekiyele 7:21

Nenganyishe bua bantu benyi bapawule bubanji buabu. Bantu babi nebanyange bionsu, nebapawule biuma biabu, baye nabi.

Yezekiyele 23:26

Nebakuele bilamba biebe, bumushe ne bilengejilu biebe.