2 Bakalenga 23:15 - MUKANDA WA MYIDI MUKULU

¹⁵ Yoshiya kunyangakaja kabidi muaba wa kutendelela mvidie uvua ku Betele, uvua Yerobowame, muana wa Nebate, muibake bua kufikisha bena Izrayele ku dienza bibi. Yoshiya kuosha muaba uvua bantu batendelela mvidie, kupula tshilambuilu, kuosha dikunji divua bantu batendelela. Bintu bionsu abi, kubutuka, kushala anu butu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakashimbula kabidi tshioshelu tshiakadi ku Betele ne tshitendelelu tshiakenza Yalobama, muana wa Nebata, wakenzesha Bena Isalele malu mabi; wakosha tshitendelelu, wakatshibutula bu luhuishi, wakosha mpingu ya Bashela mu kahia.

2 Bakalenga 23:15 交叉引用

2 Bakalenga 23:6

Yoshiya kutuma bantu bua bajule dikunji dia mvidie mukaji Ashera, divua mu nzubu wa Mvidi Mukulu. Kumukabu nadi mu Yerushalayime, bua kuya kudioshila mu tshibandabanda tshia Sedrone. Kuoshabu dikunji adi, kudibutula. Butu buadi kubutangalajabu muaba uvua nkita ya bantu bonsu.

1 Bakalenga 14:16

Maweja-Nangila nealekele bena Izrayele, bualu Yerobowame mmuenze bibi, kabidi mmufikishe bena Izrayele ku dienza bibi.

2 Bakalenga 10:31

Kadi, Yehu kavua mukumbaje mikenji ya Maweja-Nangila Mvidi Mukulu wa bena Izrayele, ne muoyi mujima to. Uvua anu wenza buenzayi buvua Yerobowame muenze, mufikishe bena Izrayele ku dienza bibi.

1 Bakalenga 21:22

Nembutule bena nzubu webe, bu mumvua mubutule bena nzubu wa Yerobowame, muana wa Nebate, ne bena nzubu wa Basha, muana wa Akiya. Bualu wewe Akabe udi mumfikishe munda bikole. Kabidi udi mufikishe bena Izrayele ku dienza bibi.”

1 Bakalenga 15:30

Bionsu abi bivua bienzeka bualu Yerobowame uvua muenze bibi, mufikishe kabidi bena Izrayele ku dienza bibi. Bualu ebu buvua bufikisha Maweja-Nangila Mvidi Mukulu wa bena Izrayele, munda bikole.

1 Bakalenga 12:28

Mukalenga Yerobowame kuela meji, ukeba tshia kuenza. Pashishe kuenzaye tuana tua ngombe tubidi tua tshiamu tshia mpawungi. Kuambilaye bena Izrayele ne: — Nuvua nuya mu Yerushalayime misangu yonsu. Kadi mpindiewu kanuyi kabidi mu Yerushalayime to. Tangilayi Mvidi Mukulu wenu uvua munupatule mu Ejipitu udi muaba ewu.

1 Bakalenga 13:1

Nanku, Maweja-Nangila kutuma muambi ufuma mu ditunga dia bena Yuda, uya ku Betele. Muambi awu ufika, kusanganaye Yerobowame osha mulambu pa tshilambuilu.

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

2 Bakalenga 23:4

Pashishe, mukalenga Yoshiya kuambila Ilkiya, mutuangaji munene, ne batuangaji bakuabu bavuaye nabu, ne batuangaji bavua balame ku mushiku wa nzubu wa Mvidi Mukulu, bua kumushabu mu muaba wa tshijila bintu bionsu bia kutendelela nabi mvidie Baale, mvidie mukaji Ashera, ne bintu bionsu bia mu tshibuashibuashi. Kumukabu ne bintu abi mu Yerushalayime. Kuyabu kubioshila mu tshibandabanda tshia Sedrone. Pashishe, kuyabu ne butu bua bintu abi mu tshimenga tshia Betele.

2 Kulondolola 34:6

Pashishe, kuyaye mu bimenga bia bena Menashe, bia bena Efrayime, bia bena Shimeyone ne bia bena Naftali too ne mu maloba avuabu nawu mutumba.

Amosa 3:14

Dituku dindi nnyoka bena Izrayele, bua malu mabi avuabu benza, nennyangakaje bilambuilu bidi mu Betele. Nenkose nsengu idi ku matumba abi, imate panshi.

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.

1 Samuele 7:4

Bena Izrayele kuimansha mpingu ya mvidie Baale ne Astarte ivuabu nayi, kutendelelabu amu Maweja-Nangila nkayende.

2 Kulondolola 34:7

Yoshiya kupula bilambuilu, kuzaza makunji ne mpingu bia kutendelela mvidie. Kutshibulaye ne mbabula ya kuosha manananshi mu bisamba bionsu bivua ku mutu mu ditunga. Pashishe, Yoshiya kupingana mu Yerushalayime.