2 Bakalenga 22:1 - MUKANDA WA MYIDI MUKULU

¹ Yoshiya kudia bukalenga muikale ne bidimu muanda mukulu. Kushalaye mu bukalenga bidimu makumi asatu ne tshimue, mu Yerushalayime. Mamuende wa Yoshiya uvua Yedida, muana wa Adaya, wa mu tshimenga tshia Boskate.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yoshiya wakadi ne bidimu muanda mukulu hakabangeye kukokesha; wakakokesha mu Yelushalema bidimu makumi asatu ne tshimue. Dina dia mamu wandi diakadi Yedida, muana wa Adaya wa mu Bosakata.

2 Bakalenga 22:1 交叉引用

Yoshua 15:39

Lakishe, Boskate, Eglone,

Matayi 1:10

Izkiya kulela Menashe. Menashe kulela Amone. Amone kulela Yoshiya.

Sefanya 1:1

Telejayi bivua Maweja-Nangila muambile Sefanya mu tshikondu tshiwa Yoshiya, muana wa Amone, mukalenga wa Yuda. Sefanya uvua muana wa Kushi. Kushi uvua muana wa Ngedaliya. Ngedaliya uvua muana wa Amanya. Amanya uvua muana wa Izkiya.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Yeshaya 3:4

Maweja-Nangila udi wamba ne: “Ndi mbapesha bansongalume, bashale bamfumu babu. Nebabaludike mudibu basue.”

Muambi 10:16

Ditunga didi ne mukalenga utshidi muana ne bamienampala basombele amu kudia, nditunga dia diakabi!

Misambu 8:2

Eyi Mfumuetu, Maweja-Nangila, butumbi buebe mbunene pa buloba bujima! Bunene buebe mbupite bua diulu.

2 Bakalenga 21:1

Menashe kudia bukalenga, muikale ne bidimu dikumi ne bibidi. Kushalaye mu bukalenga bidimu makumi atanu ne bitanu mu Yerushalayime. Dina dia mamuende divua Efsi-Ba.

1 Bakalenga 13:2

Nanku, muambi kuela diyi divua Maweja-Nangila mumuambile, ubenga tshilambuilu atshi, wamba ne: — Tshilambuilu! Tshilambuilu! Teleja tshidi Maweja-Nangila wamba! Nebalele muana wa balume mu nzubu wa Davide. Nebamuinyike ne: Yosiyase. Nanku, Yosiyase nealambule batuangaji badi bakuata mudimu miaba ya kutendelela mvidie, pambidi pebe wewe tshilambuilu, muaba uvuabu boshila milambu. Tshilambuilu, pambidi pebe, neboshilepu too ne mifuba ya bantu!

2 Bakalenga 21:24

Kadi, bena Yuda kushipa bantu bavua belele Amone tshifufu abu. Kusungulabu muanende wa balume Yoshiya bua kupinganaye tatuende Amone mu bukalenga.

2 Bakalenga 21:26

Kumujiikabu mu lukita luende luvua mu: “Lupangu lua Uza.” Nanku, muanende wa balume Yoshiya, kumupingana mu bukalenga.

Yezekiyele 18:14

“Kadi muntu awu udi mua kuikala ne muanende wa balume. Muana awu, nansha yeye mumone bilema bionsu bivua tatuende muenze, kena ubilonda.