2 Bakalenga 21:16 - MUKANDA WA MYIDI MUKULU

¹⁶ Mukalenga Menashe uvua mushipe bantu bapite bungi, bavua kabayi ne bualu to. Tshimenga tshia Yerushalayime tshijima, tshivua ne mashi mapite bungi. Bubi ebu, badi babusangisha kabidi ku buenzayi bonsu budi Menashe muenze, bua kufikisha bena Yuda ku dienza malu adi Maweja-Nangila mubenge.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Manashe wakamatshisha mashi a bantu bakadi kabayi ne bilumbu hanshi, tô ne hakûsheye Yelushalema tente; wakenza malu au ha mutu ha malu mabi makuabo akenzeye ku mesu kua Yehowa.

2 Bakalenga 21:16 交叉引用

2 Kulondolola 33:9

Kadi Menashe ke uvua mufikishe bena Yerushalayime, ne bena Yuda ku dienza bibi bipite bia bantu bavua kale mu ditunga adi, bavua Maweja-Nangila mubutule, bua bashile bantu bende bena Izrayele ditunga.

2 Bakalenga 21:11

“Mukalenga Menashe mmuenze malu mabi a mishindu yonsu, mmupite ne bena Amore ku buenzayi. Kabidi mmufikishe ne bena Yuda ku ditendelela mvidie.

Dibadika 35:33

“Kanunyangakaji ditunga dinudi basombe to. Numanye ne: mushipianganyi udi unyanga ditunga. Nanku padibu bashipa muntu mu ditunga, bua kumusha mikiya idi mikuate ditunga, amu bobu bashipe mushipianganyi awu.

Ebrewu 11:37

Bavua bashipe bamue ne mabue, bapanda bakuabu ne nsele bipesa bibidi, anyi babashipa ne muele. Bavua baya eku ne eku bavuale biseba bia mikoku anyi bia mbuji. Bavua bapele. Bavua babakengesha, babanyanga bibi.

Luke 13:34

“Yerushalayime we, Yerushalayime we, wewe udi ushipa bambi. Bantu badi Mvidi Mukulu ukutumina, udi ubasa mabue. Misangu bungi munyi imvua musue kukongoloja bantu bebe, mudi nzolu ukunguja tuana tuende mu mapuapua. Kadi kuvua musue nansha.

Matayi 27:6

Bamfumu ba batuangaji kuangula nkanu ayi, bamba ne: — Mikenji yetu kayena mianyishe bua kuela nkanu eyi mu tshibutshilu tshia mu nzubu wa Mvidi Mukulu, bualu mmushinga mufume ku mashi a bantu.

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 15:4

Nanku makalenga onsu a panshi pa buloba neakuatshike bowa, pamonawu malu onsu aa. Ke mudibu banyoka bantu bua malu mabi avua Menashe, muana wa Izkiya, mukalenga wa bena Yuda, muenze mu Yerushalayime.

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Yirmeya 2:34

Badi basangana mashi a bakengi, badi kabayi ne bualu too ne ku nzemba ya bilamba bienu. Nuvua babashipe bua tshinyi? Kanuvua babajikidile batula biibi bia nzubu yenu bua kuiba to. Kadi nansha nuenu benze bionsu abi,

2 Bakalenga 21:7

Uvua muenze kabidi lupingu lua mvidie mukaji, Ashera, mubiteke mu nzubu wa Mvidi Mukulu. Kadi, Maweja-Nangila uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bidi mu bisamba dikumi ne bibidi bia bena Izrayele, ke muaba undi nsomba kashidi munkatshi mua bantu.

Ekesode 32:21

Pashishe, Moshe kukonka Arone ne: — Bena Izrayele mbakuenzela bualu bubi kaayi, paudi mubenzele tshilema bunene nenku?

2 Bakalenga 21:15

Nengenze bionsu ebi, bualu biangatshile dituku dindi mupatule bankambua babu mu Ejipitu too ne mpindiewu, bantu banyi badi anu banufikisha munda, benza malu andi mubenge!’ ”

Yirmeya 32:31

Tshimenga tshia Yerushalayime etshi katshia batshibaka, tshivua amu tshimfikisha munda, tshingenza tshiji, too ne lelu. Nanku, tshiena musue kutshimona kabidi ne mesu to.

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Yezekiyele 22:4

Nanku, wewe Yerushalayime udi muena tshibawu tshia bantu bonsu bavuabu bashipe muebe. Udi mupie mikiya bua mpingu eyi idi bantu bebe benze. Wewe nkayebe ke udi udisemejila pabuipi tshikondu tshia kabuta kebe. Mataku ebe mmabadika! Ke pandi muanyishe bua bakuseke kudi bantu benyi. Bantu ba mu matunga onsu nebakutuishe bundu.

2 Bakalenga 21:2

Menashe kuenza malu avua Maweja-Nangila mubenge, kuenza ne malu mabi onsu a bantu ba bisamba bikuabu, bavua Maweja-Nangila muipate bua kushilabu bena Izrayele ditunga.

Nsumuinu 6:16

Kudi malu asambombu adi Maweja-Nangila ubenga, adiye udiwula kashidi:

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Yezekiyele 22:2

— Muntu, udilongolole bua kulumbuluisha tshimenga tshia Yerushalayime, tshia bashipianganyi. Kutshinyi to! Ubavuluije malu mabi avuabu benze.

Yezekiyele 23:45

Kadi bantu ba nsongu nubafundile bakaji aba tshibawu, bua tshiendenda tshiabu, ne bua bantu bavuabu bashipe. Bualu mbende tshiendenda, badi kabidi ne mashi ku bianza!”