2 Bakalenga 20:18 - MUKANDA WA MYIDI MUKULU

¹⁸ Nebakuate kabidi bantu ba ku ndelanganyi yebe, baye nabu mu Babilone, bua kubapakula bua bikale benza mudimu mu nzubu wa bukalenga, wa mukalenga wa bena Babilone.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nebayeku ne bana bebe ba balume baudi ulela; nebikale bantu batungula mu nsubu wa mukelenge wa Babulona.

2 Bakalenga 20:18 交叉引用

2 Kulondolola 33:11

Nanku, Maweja-Nangila kubatumina balombodi ba bena m vita ba mukalenga wa bena Ashure. Kukuatabu Menashe, kumuela nkanu ku mbanga, kumusuikabu bikole ne nkanu, kuyabu nende ku Babilone.

2 Bakalenga 24:12

Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

Danyele 1:3

Nebukadnesare kuambila Ashepenaze, mulombodi wa bena mudimu bende, bua asungule munkatshi mua bena Izrayele, nsongalume mikuabu ya mu diku dia bukalenga, nansha ya mu meku a babanji.

2 Bakalenga 25:6

Bena Babilone kumukuata, kuya nende kudi mukalenga wa bena Babilone uvua mu tshimenga tshia Ribla. Bena Babilone kulumbuluisha Sedekiya mu tshimenga atshi.

Yirmeya 20:5

Bubanji bonsu buvua bantu ba mu tshimenga etshi nabu, difutu dionsu dia ku mudimu wabu, bintu bia mushinga bivuabu nabi, nansha biuma mene bivua bakalenga ba bena Yuda nabi, bionsu abi, nembifile kudi baluishi babu. Bobu abu nebabipawule, nebabiangate, baye nabi mu Babilone.

Mika 4:10

— Eyowa! Nudinyenge, bu mudi mukaji udi ukeba kulela. Nenupatuke mu tshimenga, nenusombe mu madimi, nenuye too ne mu Babilone. Amu muaba awu ke udibu banusungidila. Maweja-Nangila neanupandishemu kudi baluishi benu.

2 Bakalenga 24:15

Nebukadnesare kuya ne mukalenga Yowakine, ne mamuende, bakaji ba Yowakine, kabidi ne bantu bavua mukalenga Yowakine mutekemene bikole, ne bamfumu ba bena Yuda.