2 Bakalenga 19:34 - MUKANDA WA MYIDI MUKULU

³⁴ Nendame Yerushalayime. Nemmusungidile, bualu ndi Mvidi Mukulu. Kabidi ndi nnanga kashidi, muntu wanyi, Davide!”

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Meme nensungile musoko eu bualu buanyi, ne bualu bua muntu wanyi Davidi.

2 Bakalenga 19:34 交叉引用

2 Bakalenga 20:6

Nenkushiye kabidi ne muoyi bidimu dikumi ne bitanu! Wewe ne Yerushalayime, nennusungidile mu bianza bia mukalenga wa bena Ashure. Nendame tshimenga etshi, bualu meme ndi Mvidi Mukulu, kabidi ndi nnanga Da-vide, muntu wanyi kashidi.”

1 Bakalenga 15:4

Kadi, Maweja-Nangila Mvidi Mukulu wende uvua anu mumupeshe muana wa balume, uvua mua kumupingana mu bukalenga, bua bena nzubu wa Davide, kabumuki bonsu mu bukalenga to, kabidi bua Yerushalayime ashale tshimenga tshia bukalenga. Maweja-Nangila uvua wenzela nanku, anu bualu bua Davide,

Yeshaya 31:5

Bu mudi nyunyi ubalula mapuapua ende bua kulama tuana tuende, ke mudi Maweja-Nangila muena bukole buonsu ulama bena Yerushalayime. Udi ubapikula, ubakuba, ubasungidila.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Yirmeya 33:21

Nanku dilaya dianyi dimvua mulaye muntu wanyi Davide kadiena mua kufua to. Muntu nansha umue kena mua kukandika, bua muntu wa ku ndelanganyi ya Davide kikadi mukalenga wa Yerushalayime to, nansha bua bantu ba ku ndelanganyi ya Levi kabikadi bantu badi bengenzela mudimu.

Yeshaya 38:6

Wewe ne tshimenga tshia Yerushalayime, nennusungidile ku bianza bia mukalenga wa bena Ashure. Nendame tshimenga etshi kashidi.”

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Yeshaya 48:11

Pandi muenze nanku, bidi amu bua lumu luanyi, eyowa, amu bua lumu luanyi. Bualu tshiena musue bua bapepeje dina dianyi. Tshiena musue bua bantu bakuabu bangate lumu ludi luanyi meme.

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Yeshaya 9:7

Maweja-Nangila uvua mulumbuluishe ndelanganyi ya Yakobe. Kupishaye bukalenga bua Izrayele.

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Efeze 1:14

Mueyelu wa Tshijila udi utujadikila ne: netupete bionsu bidi Mvidi Mukulu mulaye bantu badi bende. Udi utushindikila kabidi ne: Mvidi Mukulu neatupikule, bua tuikale bende menemene. Nanku tutumbishayi Mvidi Mukulu bua buneme buende.

Yezekiyele 36:22

Nanku ubamanyishe tshindi meme Maweja-Nangila Mvidi Mukulu ngamba ne: “Malu andi musue kuenza, tshiena ngenza buenu nuenu bena Izrayele to. Kadi ndi ngenza bua bantu banemeke dina dianyi dia tshijila, dinuvua bapepeja mu bisamba munuvua baye.

Yeshaya 48:9

Kadi bu mundi Mvidi Mukulu, tshiena mua kulonda tshiji tshianyi. Ndi musue bua bantu banemeke dina dianyi. Ke mundi nnufuila luse. Tshiena musue kunubutula.

2 Bakalenga 8:19

Kadi Maweja-Nangila kavua musue kubutula bukalenga bua Yuda to. Bualu uvua mulaye muntu wende Davide ne: ndelanganyi yende neishale mu bukalenga mu Yerushalayime kashidi.

Osheya 1:7

Kadi, ntshidi amu munange bena Yuda. Meme Maweja-Nangila Mvidi Mukulu wabu nembasungidile: tshiyi ne buta bua mbale, tshiyi ne muele, tshiyi nduangana myita, tshiyi ne nyama ya tubalu, tshiyi ne bantu badi babanda pa nyama ya tubalu.”

Zekâya 9:8

Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”