2 Bakalenga 19:25 - MUKANDA WA MYIDI MUKULU

²⁵ “Wewe, Senakeribe, udi uditambisha. Kadi teleja, nkuvuluija malu. Ku kale, meme ke udi mulongolole malu aa. Ku kalekale, mvua muele meji a tshia kuenza. Mpindiewu ndi nkumbaja bionsu abi. Meme ndi mukupeshe bukole, bua kubutula, ne kushimbula, bimenga bidi ne bimana bikole.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kuena muanze kunvua lumu munakenza bualu ebu kale, anyi? Meme nakenza bualu ebu bua wewe wakahaula misoko ya ngumbu; wakayivuisha mishiki.

2 Bakalenga 19:25 交叉引用

Yeshaya 45:7

Ndi ngenza munya, mfuka miidima kabidi. Ndi mpetesha diakalenga, mfila ne dikenga. Eyowa, ke Meme Maweja-Nangila, udi wenza malu onsu aa.

Yeshaya 54:16

Vuluka ne: ndi mufuke nsenda wa biamu, utu usonsola kapia, wenza bia mvita mishindu mishilangane. Udi mufuke muntu udi ushipa nabi bantu, mmeme kabidi!

Yeshaya 10:15

— Tshisuyi tshidi mua kudimona tshipite mfumuatshi anyi? Nseele wa kupanda nende mabaya udi mua kudiangata ne mushinga mupite wa muenaye anyi? Dikombu kadiena dijuula muntu, kadi muntu ngudi udijuula! Tshibonge katshiena tshinyungisha muntu, muntu ngudi utshinyungisha.

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Misambu 33:11

Kadi bulongolodi bua Maweja-Nangila mbua kashidi, meji ende adi ashala tshiendelele.

Mika 1:6

Maweja-Nangila udi wamba ne: “Bua malu aa, nengandamune Samariya, ashale dikolu, muaba udibu bakuna mionji ya mvinyo. Nembunguluje mabue ende, aye muinshi mua lupongu. Nemmueneshe bitaku biende patoke.

Yeshaya 45:8

Diulu, lokesha lumuma! Bu mudi mvula upueka mu mavuba, lupandu lufume mulu, lupueka pa buloba. Buloba bunzuluke, buleje lupandu, bupatule malu mimpe. Meme Maweja-Nangila, ndi mfuka bionsu abi.”