2 Bakalenga 18:31 - MUKANDA WA MYIDI MUKULU

³¹ Kanuena mua kuteleja tshidi Izkiya unuambila to. Nuteleje anu tshindi nnuambila meme mukalenga wa bena Ashure. Lekelayi kukandamana! Anyishayi nudifile kundi. Nanku, muntu yonsu wa kunudi neanue maluvu ende, neadie tumuma tuende tua mfiku, kabidi neanue mayi ende adi mu tshiina.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Kanunvu dî dia Hezikiya nansha: bualu bua mukelenge wa Ashû udi wamba ne, Nuhunge nʼanyi dî, nuluhuke kundi, muntu ne muntu adie bintu muinshi mua mitshi yandi ya tumuma tukese ne mitshi ya nfigi, anue mai a mu mena andi kabidi;

2 Bakalenga 18:31 交叉引用

Zekâya 3:10

Pafika dituku adi, nenubikilangane bua nusombe talalaa, nusanke ne bintu bia mu madimi enu a mionji ya mvinyo, ne bia mu mitshi ya mfiku.”

1 Bakalenga 4:20

Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

Nsumuinu 18:16

Kupesha muntu tshintu, kudi kukunzuluila njila wa wewe kumonangana ne bantu banene.

Genese 33:11

Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.

Genese 32:20

Balami ba tshisumbu tshibidi, ba tshisatu ne bonsu bavua balonda panyima, Yakobe uvua mubambile anu meyi a mushindu umue, usakidila kabidi ne: — Panuasambakena ne mukuluanyi Esawu,

2 Bakalenga 18:30

Udi unuambila ne: mbimpe kudifila anu kudi Maweja-Nangila. Yeye neatusungidile bulelela. Kabidi yeye neakandike mukalenga wa bena Ashure bua kakuatshi tshimenga atshi! Kanuitabi bionsu abi to.

Nsumuinu 27:18

Muntu udi ulama mutshi wa mfiku bimpe, neadie bimuma biawu. Muena mudimu udi ukuba mfumuende nebamutumbishe.

Yirmeya 14:3

Bamfumu badi batuma bena mudimu babu bua kusuna mayi, Padibu bafika ku biina bia mayi, badi babisangana kamuyi mayi nansha makese. Badi bapingana bapungile, bapampakana, binyike mitu panshi, bipanza bia mayi munda mutupu.

1 Bakalenga 5:5

Bena Yuda ne bena Izrayele, bavua ne ditalala, biangatshile ku Dane too ne ku Bersheba, Matuku onsu avua Shelomu ne muoyi, muntu yonsu uvua ukuna mionji yende ya mvinyo ne mitshi ya mfiku anu mu ditalala.