2 Bakalenga 16:18 - MUKANDA WA MYIDI MUKULU

¹⁸ Nanku, bua kusankisha mukalenga wa bena Ashure, mukalenga Akaze kujika “Muaba uvuabu bapitshila dituku dia Dikisha,” uvuabu base mu nzubu wa Mvidi Mukulu, kujika kabidi “Mushiku wa mukalenga” uvua pambelu pa nzubu ewu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bualu bua Ahaza wakatshina mukelenge wa Ashû, wakandamuna mu nsubu wa Yehowa tshibuelelu tshiakadi ne tshibuikilu ku mutu, tshiakadi bantu babuelamu dituku dia Lumingu tshiakibakabo mu nsubu ne tshibi tshia ku mbelu tshiakadi mukelenge mubuele.

2 Bakalenga 16:18 交叉引用

Yezekiyele 46:2

Mukalenga neatumine mu lubanza lua pa mbelu, ukosolola mu tshibambalu tshinene tshidi pabuipi ne mushiku wa mbelu. Diba didi batuangaji balambula milambu ya kuosha ne ya bobumue, neimane pabuipi ne tshiibi. Neiname menemene muaba awu. Pashishe neapatuke mu nzubu. Tshiibi etshi tshidi ne bua kushala buashi too ne ku dilolu.

2 Bakalenga 11:5

Kubambilaye kabidi ne: — Monayi tshinudi ne bua kuenza: Padi bantu bakuabu ba kunudi batuadija mudimu wabu dituku dia Dikisha, tshisumbu tshia kumpala tshidi tshilama nzubu wa bukalenga,

1 Bakalenga 10:5

bua biakudia bivuabu bateka ku mesa, bua balombodi ba bukalenga bua Shelomu, bavua basombe ku mesa balondangane bimpe, bua bilamba bivuabu bavuale kudi bena mudimu bavua babanya biakudia ne bia kunua. Mukalenga mukaji umona milambu ivua Shelomu ulambula mu nzubu wa Maweja-Nangila, kukemaye bikole bua bintu bionsu abi, kupangaye ne mua kuakula.

2 Bakalenga 16:17

Mukalenga Akaze kukosa bitata bia tshiamu tshikunze bivua ku matempu a ku nzubu wa Mvidi Mukulu. Kumushaye malongu manene avua ku matempu aku. Kumushayi kabidi dilongu dinene dia tshijengu divua pa ngombe milume dikumi ne ibidi ya tshiamu tshikunze. Kuditekaye pa buloba bulamika mabue.

2 Bakalenga 16:19

Malu makuabu a Akaze, mbaafunde mu mukanda udibu babikila ne: Malu adi bakalenga ba bena Yuda benza.

1 Kulondolola 9:18

Ndelanganyi yabu itshidi yenza mudimu wa kulama tshiibi, tshidi luseke ludi diba dipatukila lua nzubu, tshidibu binyike ne: ntshia mukalenga. Bankambua babu bavua bena mudimu wa kulama biibi mu mitanda ya bena Levi.

Yezekiyele 44:3

Nanku anu mukalenga udi mu nkuasa wa bumfumu, ke udi mua kudilamu biakudia bia tshijila muaba undi. Neabuele, upatuka pa kupitshila mu tshibambalu tshinene tshidi ku ndekelu kua tshibuelelu.