2 Bakalenga 14:19 - MUKANDA WA MYIDI MUKULU

¹⁹ Bantu ba mu Yerushalayime, kuelela Amashiya tshifufu tshibi. Nanku, Amashiya kunyema, kuya mu musoku wa Lakishe. Kadi, kumulondabu mu musoku awu, kumushipelamu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bakamuelela tshifufu mu Yelushalema, kadi yeye wakanyemena ku Lakisha, bakamuihata ku Lakisha, bakamushihelaku.

2 Bakalenga 14:19 交叉引用

Yoshua 10:31

Yoshuwa ne bena Izrayele kumuka mu tshimenga tshia Libna, kuya ku tshimenga tshia Lakishe. Kudilongololabu ku mvita, kuluishabu bena tshimenga atshi.

Mika 1:13

Nuenu badi basomba mu Lakishe, suikayi tubalu tuenu ku matempu, nunyeme. Nudi bidikije malu mabi, avua Izrayele muenze. Ke munuvua batombuesha Yerushalayime.

2 Bakalenga 21:23

Balombodi ba bena mvita ba mukalenga Amone, kumuelela tshifufu tshibi, kumushipela mu nzubu wende wa bukalenga.

2 Bakalenga 18:17

Pavua mukalenga wa bena Ashure mu Lakishe, kutumaye mfumu mulombodi wa bena mvita, mutangidi wa bena midimu ba mu nzubu wa bukalenga, ne mulombodi wa badi bela maluvu, mu Yerushalayime kudi mukalenga Izkiya. Bavua ne musumba munene wa bena mvita. Bobu bamane kufika mu tshimenga, kuimanabu pabuipi ne tshiina tshia mayi tshivua kulu, mu njila udi muye ku budimi bua Enrojele.

2 Bakalenga 18:14

Pashishe, Izkiya, mukalenga wa Yuda kutuma mukenji kudi mukalenga wa bena Ashure uvua mu tshimenga tshia Lakishe, umuambila ne: — Meme ndi muenze bibi! Lekela kunduisha muaba ewu. Ndi muitabe bua kufuta mushinga onsu uudi undomba. Mukalenga wa bena Ashure kulomba Izkiya tshiamu tshitoke tshia mushinga mukole kilo binunu tshitema, ne tshiamu tshia mpawungi kilo nkama tshitema.

2 Bakalenga 15:30

Muntu mukuabu, dina diende Osheya, muana wa Ela, kuelela mukalenga Peka tshifufu tshibi, kumushipa, kuangata bukalenga. Tshikondu atshi, mukalenga wa bena Yuda, Yotame, muana wa Azariya, uvua mumane kulala mu bukalenga bidimu makumi abidi.

2 Bakalenga 15:25

Muntu mukuabu, dina diende Peka, muana wa Remalya, uvua wambuluisha Pekahiya mu mitanda. Kumuelelaye tshifufu tshibi. Nanku, ne bena mvita makumi atanu ba bena Ngilaade, kuyaye kuluisha Pekahiya mu tshibambalu kampanda tshia ku nzubu wa bukalenga. Peka mumane kushipa Pekahiya, kuangataye bukalenga.

2 Bakalenga 15:14

Muntu mukuabu, dina diende Menaheme, muana wa Ngadi, uvua ufumina mu tshimenga tshia Tirsa. Ubuela mu Samariya, kushipaye Shalume, kuangata bukalenga.

2 Bakalenga 15:10

Nanku, muntu mukuabu dina diende Shalume, muana wa Yabeshe, kuelela Zekarya tshifufu tshibi, kumushipa ku Ibleyame, kuangata bukalenga.

Yoshua 10:3

Nanku mukalenga Adoni-Sedeke kubikidisha bakalenga aba: Okame, mukalenga wa mu Ebrone; Pirame, mukalenga wa mu Yarmute; Yafiya, mukalenga wa mu Lakishe; ne Debire, mukalenga wa mu Eglone. Kubambilaye ne:

Yoshua 15:39

Lakishe, Boskate, Eglone,

2 Bakalenga 14:18

Malu makuabu a Amashiya, mbaafunde mu mukanda udibu bibikila ne: Malu adi bakalenga ba bena Yuda benza.

2 Bakalenga 14:20

Pashishe, kutekabu tshitalu tshiende mu ditempu, kupingana natshi mu Yerushalayime. Ditempu adi, bavua badikoka kudi nyama ya tubalu. Kujikabu Amashiya mu lukita lua bankambua bende, luvua mu Tshimenga tshia Davide.

Yirmeya 34:7

Tshikondu etshi bena mvita ba mukalenga wa mu Babilone bavua baluisha Yerushalayime ne bimenga bibidi bia Lakishe ne Azeka, bivua mukalenga awu kayi muanji kukuata.

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.