2 Bakalenga 13:14 - MUKANDA WA MYIDI MUKULU

¹⁴ Disama dia lufu kukuata muambi Elisha. Nanku, Yowashe, mukalenga wa bena Izrayele, kuya kudi muambi Elisha, kumupukila, udila, wamba ne: — Tatu wanyi! Tatu wanyi! Wewe udi mupite matempu a mvita ne babandi ba pa nyama ya tubalu bonsu ba bena Izrayele!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Disama diakakuata Elisha, ne bua disama diandi wakafua. Yoasha, mukelenge wa Isalele, wakaya kumutangila, wakadila muadi, wakamba ne, Tatu wanyi, tatu wanyi, makalu a Isalele ne badi benda ha nyima ha tubalu!

2 Bakalenga 13:14 交叉引用

Filipe 2:26

mMunusamine bonsu muoyi, mulubakane kabidi, bualu nuvua bumvue ne: udi usama.

2 Bakalenga 2:12

Elisha umona nanku, kuelaye lubila ne: — Tatu wanyi! Tatu wanyi! Wewe udi mupite matempu a mvita onsu ne babandi ba pa tubalu bonsu ba bena Izrayele. Pavua Elisha kayi mumone kabidi Eliya, kupandaye bilamba biende bipese bibidi.

Yowanane 11:3

Nsongakaji ibidi eyi kutumina Yezu diyi ne: — Mfumu, mulunda webe udi usama.

2 Bakalenga 20:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amosa, kufika bua kumusamba, umuambila miaku ivua Maweja-Nangila muambe ne: — Diba diakumbanyi bua wewe kudilongolola, bualu mu disama edi, kuena upanda to, neufue.

Genese 48:1

Malu onsu aa mamane kujika, kumanyishabu Yozefe bua disama dia tatuende. Yozefe kuangata bana bende ba balume babidi: Efrayime ne Menashe, kuya nabu.

Marke 6:20

Bualu Erode uvua unemeka Yowanane, uvua mumanye ne: mmuntu muimpe, udi kabidi wa tshijila. Uvua umulama biakane. Pavuaye umuteleja, uvua ne dipampakana mu muoyi bikole. Kadi uvua munange mua kumuteleja ne disanka.

Yeshaya 57:1

Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

Bienzedi 13:36

Mu tshikondu tshiende, Davide mmukumbaje bivua Mvidi Mukulu musue. Pashishe kufuaye. Kumujikabu pabuipi ne bankambua bende, kubolaye.

Zekâya 1:5

Bankambua benu mbamane kufua. Bambi kabidi kabena bashala panu ne muoyi tshiendelele.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Yezekiyele 14:14

Nansha bantu basatu aba, Nowa, Danele ne Yobe bikale munkatshi mua bantomboji aba, kadi amu basatu abu nkayabu nebasungidile mioyi yabu, bualu badi bangitaba. Meme Maweja-Nangila ndi ngamba nanku.

Nsumuinu 11:11

Bantu bakane badi basa tshimenga batshiela lupemba. Miaku mibi ya bena lonji idi itshibutula.

Misambu 12:1

Musambu wa mu mukanda wa mulombodi wa bena misambu, wa kuimba ne lunzenze lua nshinga muanda mukulu. Musambu wa mu mukanda wa misambu ya Davide.

2 Bakalenga 6:21

Anu mukalenga wa bena Izrayele umona bena mvita abu bonsu, kukonkaye muambi Elisha ne: — Tatu wanyi, mbimpe kubashipa anyi?

2 Bakalenga 13:12

Malu makuabu a Yowashe, muana wa Yowakaze, mbaafunde mu mukanda udibu babikila ne: Malu adi bakalenga ba bena Izrayele benza. Mu mukanda amu, mbafundemu malu onsu avua Yowashe muenze, baleja ne bukitu buvuaye nabu, pavuaye uluisha Amashiya, mukalenga wa bena Yuda.

2 Bakalenga 13:13

Yowashe mumane kufua, kumujiikabu mu Samariya mu lukita lua bakalenga ba bena Izrayele. Nanku, muanende wa balume Yerobowame, kumupingana mu bukalenga.

2 Bakalenga 13:15

Elisha kumuambila ne: — Uye kuangata buta bua miketa ne miketa. Mukalenga Yowashe kufika ne bintu abi.

Genese 49:33

Amu Yakobe mumane kulayangana ne bana bende, kudiololaye pa bulalu, kufuaye, kulonda bankambua bende.

Genese 50:1

Yozefe kupukila tshitalu tshia tatuende, kudila, binsonji bimatshila tatuende mu mpala.