1 Yone 5:7 - MUKANDA WA MYIDI MUKULU

⁷ Bajadiki badi basatu:

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nyuma Muimpe ngudi umanyisha, bualu bua Nyuma udi bulelela.

1 Yone 5:7 交叉引用

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Bienzedi 5:32

Tuetu ne Mueyelu wa Tshijila, udi Mvidi Mukulu mupe badi bamuitaba, tudi bajadiki ba malu aa.

Yowanane 1:1

Pavua Mvidi Mukulu mufuke ku tshibangidilu bintu bionsu, Muaku ukavuaku. Muaku uvua ne Mvidi Mukulu. Muaku uvua Mvidi Mukulu.

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

1 Yone 5:6

Yezu Kristu mmufike kutudi; mmufike ne mayi muvuabu bamutue, kabidi ne mashi a ku lufu luende. Kena mufike amu ne mayi nkayawu, kadi ne mayi, kabidi ne mashi. Ke bualu budi Mueyelu wa Tshijila ujadika. Bualu Mueyelu udi bulelela.

Yowanane 8:54

Yezu kubandamuna ne: — Bu meme nditumbisha nkayanyi, butumbi buanyi kabuvua mua kuikala ne mushinga to. Udi untumbisha nTatu wanyi, Yeye unudi nuamba ne: “Udi Mvidi Mukulu wetu.”

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Yowanane 10:30

Tatu ne meme tudi tshintu tshimue.

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Dielulula 6:4

“Nuenu bena Izrayele, telejayi: Maweja-Nangila, Maweja-Nangila nkayende, ke Mvidi Mukulu wetu. Kakuena mukuabu to.

Yowanane 5:26

Bualu bu mudi Tatu ne bumfumu bua kupesha bantu muoyi, ke mudiye mupeshe Muana bumfumu bua kupesha bantu muoyi.

Didimanyisha 19:13

Uvua muvuale muntumpu mutua mu mashi. Dina diende didi ne: “Muaku wa Mvidi Mukulu.”

Yowanane 12:28

Tatu, tumbisha dina diebe! Kumvuabu diyi difumina mu diulu ne: — Ndi mumane kuditumbisha, nenditambishe tshiakabidi.

Yowanane 8:18

Ndi ndijadikila bualu buanyi, kabidi Tatu uvua muntume udi ujadika bualu buanyi.

Matayi 18:16

Kadi pikalaye kayi mukuteleje, nupingane kudiye ne muntu umue nansha babidi, bua “Bualu buonsu babujadike kudi bantu babidi nansha basatu,” mudi Mukanda wa tshijila wamba.

1 Yone 1:1

Tudi tunufundila bua Muaku udi upetesha muoyi. Muaku awu uvuaku biangatshile ku tshibangidilu tshia bionsu. Tuvua bawumvue, baumone ne mesu etu, bautangile, baulenge ne bianza bietu.

Yowanane 14:17

Ba pa buloba kabena mua kuwakidila, bualu kabena mua kuumona nansha kuumanya. Kadi nuenu nudi baumanye. Bualu udi ushala nenu, udi kabidi munda muenu.

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

1 Yone 5:8

Mueyelu wa Tshijila, mayi ne mashi. Bonsu basatu badi bajadika bualu bua momumue.