1 Yone 5:21 - MUKANDA WA MYIDI MUKULU

²¹ Bana banyi, kanubuelakanyi ne mvidie ya dishima!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bana bakese, nudilame kudi mpingu.

1 Yone 5:21 交叉引用

1 Korente 10:14

Nanku, balunda banyi bananga, lekelayi kutendelela mvidie.

1 Korente 10:7

kabidi bua kanutendeledi mvidie, muvua bamue ba kudibu benze. Mukanda wa tshijila udi wamba ne: “Bantu aba kusomba mu tshibilu bua kudia ne kunua; pashishe kujukabu bua kuenza malu mabi.”

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Didimanyisha 9:20

Kadi bantu bavua bashala ne muoyi, bonsu bavua bipupu ebi kabiyi bibutula, kabavua badilengeja to. Batshivua batendelela nwidie ivuabu badienzela. Batshivua bakukuila mikishi mibi, kabidi ne nwidie mienza ne mpawungi, ne tshiamu tshitoke tshia mushinga mukole, ne tshiamu tshikunze, ne mabue, kabidi ne mitshi. Ke nwidie idi kayiyi mua kumona, kayiyi yumvua, kayiyi yenda.

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

Didimanyisha 14:11

Muinshi wa kapia kadi kabakengesha udi ubanda mu diulu kashidi. Bonsu bavua bakukuile nyama ne tshimfuanyi tshiende, bavuabu batue tshitampi tshia dina diende, nansha butuku nansha mu munya kabena bapeta dikisha to.”