1 Yone 5:16 - MUKANDA WA MYIDI MUKULU

¹⁶ Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Biamona muntu muanʼabo wenza bualu bubi budi kabui bua lufu, nealombe Nzambi, yeye neamuhe mioyo ya badi benza bualu bubi budi kabui bua lufu. Bualu bubi budiku budi bua lufu; tshiena ngamba ne, Yeye amulombele Nzambi bua bualu abu.

1 Yone 5:16 交叉引用

Yirmeya 11:14

Nenku wewe Yirmeya, tshimenga etshi kuena mua kutshilombela kundi. Kuena mua kuntendelela nansha kunsengelela kabidi bualu buatshi to. Bualu padi makenga abakuata nebansengelele bua meme kubambuluisha. Kadi tshiena mua kubateleja to.

1 Samuele 2:25

Pikala muntu muenzele muntu mukuabu bibi, Mvidi Mukulu udi mua kulumbulula tshilumbu atshi. Kadi pikala muntu muenzele Maweja-Nangila bibi, udi mua kulumbulula tshilumbu nnganyi? Kadi bana ba mutuangaji Eli, kabawa bangata mibelu ya tatuabu ne mushinga to. Bualu Maweja-Nangila uvua mumane kujadika bua bafue.

Luke 12:10

“Muntu yonsu udi usendeka Muana wa muntu, nebamufuile luse. Kadi udi usendeka Mueyelu wa Tshijila, kabakumufuila luse to.

Yirmeya 14:11

Maweja-Nangila kungambila ne: — Kuena mua kuakuila bantu aba nansha kakese.

Yirmeya 7:16

Yirmeya kuakuidi bantu aba to. Kuena mua kubalombela, utendakana to. Kunsengeledi to. Bualu meme tshiena nkuteleja to.

Dibadika 15:30

“Kadi muena Izrayele nansha muenyi, udi wenza bualu bubi ku bukole, udi upenda Maweja-Nangila. Nebamumushe munkatshi mua bena Izrayele.

Ekesode 34:9

wamba ne: — Maweja-Nangila wanyi, ndi mujadike ne bena Izrayele mbantu ba tshitunu, kadi bu muudi munnange, ndi nkusengelela bua wikale munkatshi muetu. Utufuileku luse ku bionsu bitudi bakuenzele, bualu tudi bantu bebe.

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Genese 20:7

Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Yowanane 17:9

Ndi mbalombela kuudi. Tshiena ndombela ba pa buloba. Kadi ndi ndombela bantu bauvua mumpeshe, bualu mbebe.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Dibadika 12:13

Moshe kulomba Maweja-Nangila, wamba ne: — Mvidi Mukulu wanyi, anyisha ondapa disama edi!

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

1 Samuele 12:19

Kuambilabu Samuwele ne: — Usengelele Maweja-Nangila Mvidi Mukulu wetu bualu buetu, bua katufu to. Bualu ku malu mabi onsu atudi benza, tudi basakidila kabidi bualu bubi bukuabu bua dilomba dia mukalenga.

1 Yone 5:17

Tshilema tshionsu mbubi. Kadi kudi bubi budi kabuyi bufikisha ku lufu.