1 Yone 5:11 - MUKANDA WA MYIDI MUKULU

¹¹ Bidi Mvidi Mukulu mujadike mbiobi ebi: mmutupe muoyi wa kashidi, mutupeshilewu kudi Muanende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ne ebu mbumanyishi ne, Nzambi wakatuha muoyo wa tshiendelele, ne muoyo eu udi munda mua Muana wandi.

1 Yone 5:11 交叉引用

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

1 Yone 2:25

Tshivua Kristu mene mulaye bua kutupa, ke muoyi wa kashidi.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Yone 4:9

Mvidi Mukulu uvua mutuleje dinanga diende nenku: wakatuma Muanende umuepele mu bantu, bua tupetele muoyi kudiye.

Yowanane 1:4

Munda mua Muaku muvua muoyi. Muoyi awu uvua mupeteshe bantu butoke.

1 Yone 5:10

Nanku muntu udi witaba Muana wa Mvidi Mukulu, udi ne dijadika adi munda muende. Kadi udi kayi witaba Mvidi Mukulu, udi muvuije Mvidi Mukulu muena dishima, bualu kena witaba bidi Mvidi Mukulu ujadika bualu bua Muanende.

Yowanane 19:35

Muntu uvua muambe malu aa ke uvua muamone. Bidiye wamba bidi bilelela. Yeye kabidi udi mumanye ne: ndi ngamba malu malelela, bua nuenu kabidi nuitabe.

Yowanane 10:28

Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi.

Yowanane 6:68

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.

Yowanane 5:26

Bualu bu mudi Tatu ne bumfumu bua kupesha bantu muoyi, ke mudiye mupeshe Muana bumfumu bua kupesha bantu muoyi.

Yuda 1:21

Nuvuluke kashidi ne: Mvidi Mukulu udi utunanga Nutekemene luse lua Mfumu wenu Yezu Kristu, ludi lunupetesha muoyi wa kashidi.

1 Yone 5:7

Bajadiki badi basatu:

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

1 Timote 1:16

Ke padi Mvidi Mukulu mumfuile meme luse. Uvua musue bua Yezu adianjile kuleja lutulu luende luonsu kundi meme, muntu mubi mupite bakuabu. Ndi mushale mpindiewu tshilejilu tshidi mua kulongesha bantu bonsu matuku adi kumpala ne: nuenu bitabe Yezu Kristu, nenupete muoyi wa kashidi.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

3 Yone 1:12

Bonsu badi banyisha Demetriyose. Bulelela mene budi bumubingisha Tuetu kabidi tudi tujadika buimpe bua malu ende. Wewe kabidi udi mumanye ne: bitudi tujadika mbilelela

Yowanane 12:50

Ndi mumanye ne: tshidi Mvidi Mukulu ufundila muntu tshidi tshipetesha muoyi wa kashidi. Nanku tshindi ngamba, ndi ntshiamba muvua Tatu wanyi mungambile.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Didimanyisha 22:1

Mutumibue wa Mvidi Mukulu kundeja musulu udi ne mayi a muoyi, ubalakana bu lusoka lua kristale. Musulu awu udi upatuka ku nkuasa wa butumbi wa Mvidi Mukulu, ne wa Muana wa mukoku,

Didimanyisha 1:2

Yowanane uvua mujadike bionsu bivuaye mumone. Mu mukanda ewu udi umanyisha muaku uvuaye mupete kudi Mvidi Mukulu, ne malu malelela avua Yezu mumuleje.

Yowanane 6:47

Ndi nnujadikila ne: muntu udi witaba, udi ne muoyi wa tshiendelele.

Yowanane 5:21

Bualu bu mudi Tatu ubisha bantu bafue, ubapingajila muoyi, ke mudi Muana upesha bantu badiye musue muoyi.

Yowanane 4:36

Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 4:4

Ke muvuaye ne bua kupitshila mu ditunga dia Samariya.

1 Yone 4:10

Dinanga didi nenku: ki ntuetu bavua banange Mvidi Mukulu to. Kadi Yeye ke uvua mutunange, mufume Muanende bua adilambule bualu buetu, bua kutujimijila mibi yetu.