1 Yone 4:18 - MUKANDA WA MYIDI MUKULU

¹⁸ Mu dinanga kamuena bowa. Dinanga dia menemene didi diumusha bowa. Nanku muntu udi ne bowa, kena ne dinanga dia menemene. Bualu udi ne bowa, udi utshina dinyoka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kamuena ditshina mu dinanga; kadi dinanga diakane tshishiki didi dihata ditshina, bualu bua ditshina didi ne dikengesha; ne yeye udi utshina kena muanze kuvuishibua muakane tshishiki mu dinanga.

1 Yone 4:18 交叉引用

2 Timote 1:7

Bualu Mueyelu, utudi bapete kudi Mvidi Mukulu, kawena utuenza bantu badi ne buowa nansha. Kadi Mueyelu wende udi utupa bukole, dinanga, ne meji.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

1 Yone 4:12

Muntu nansha umue kena muanji kumona Mvidi Mukulu. Tuetu banangangane, Mvidi Mukulu udi ushala munda muetu. Nanku dinanga diende nedimueneke menemene munda muetu.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Yakobe 2:19

Udi witaba ne: Mvidi Mukulu udi amu umue. Bidi bimpe. Mikishi mibi idi itaba kabidi nanku, izakala ne bowa.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Matayi 9:34

Kadi Baparushe kuamba ne: — Muntu ewu udi wipata mikishi mibi ayi, bualu mmupete bukole kudi mfumu wa mikishi mibi!