1 Yone 3:8 - MUKANDA WA MYIDI MUKULU

⁸ Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.

Mukanda wa Nzambi Dihungila Dikulukulu ne Dihungila Dihia-dihia 2003

⁸ yeye utu wenza bibi udi wa diabolo; bualu bua diabolo udi muenze bibi ku tshibangidilu. Bua bualu ebu Muana wa Nzambi wakamueneshibua bua kubutuleye midimu ya diabolo.

1 Yone 3:8 交叉引用

Ebrewu 2:14

Padi bana aba, mudiye ubabikila, ne mubidi ne mashi, Yezu mene uvua mudienze bu bobu, mudisange nabu mu buntu buabu. Uvua muenze nenku bua ku lufu luende, amone mua kubutula diabolu, uvua ne bumfumu bua kushipa bantu.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Kolose 2:15

Ku mutshi mutshiamakane ke kuvua Kristu mudipikule ku makalenga, ne ku makole a mulu. mMuafuishe bundu ku mesu a bantu bonsu, bualu mmuye nawu bu bena lukanu, mu luendu lua ditshimuna diende.

Rome 16:20

Mvidi Mukulu, udi utupa bupole, neaboze amu mpindiewu diabolu muinshi mua makasa enu. Dinanga dia Mfumu wetu Yezu Kristu dishindame munda muenu!

Yowanane 16:11

Badi batupakana bua mushindu udi Mvidi Mukulu ukosa nsambu, bualu mfumu wa bena panu bakadi bamane kumulumbuluisha.

Yowanane 12:31

Mpindiewu ke diba dialumbuluishabu bantu. Mpindiewu nebipate mfumu wa panuapa.

2 Petro 2:4

Bualu Mvidi Mukulu kena mufuile batumibue bavua benza bibi luse. Uvua mubele mu kandondu, mudiye mubalame mu lukanu mu miidima, too ne ku diba didibu ne bua kubalumbuluisha.

Marke 1:24

— Wewe Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mumanye bimpe ne: udi wa Tshijila, Mvidi Mukulu mmukutume!

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Luke 10:18

Yezu kubandamuna ne: — Mvua mumone diabolu ukuluka mu diulu bu muele wa mvula.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

Matayi 13:38

Budimi ke bantu. Ntete mimpe mbantu badi banyisha Bukalenga. Lupela mbantu badi bitaba Muena bubi.

Didimanyisha 20:10

Diba adi, nebele diabolu uvua mubadinge mu mayi manene avua atema kapia ka mvuanda. mukavuabu bamane kuela nyama ne muambi wa dishima. Nebabakengeshe muaba awu munya ne butuku kashidi.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.

1 Yone 3:5

Nudi bamanye ne: Yezu Kristu wakamueneka bua kumusha bubi. Munda muende kamuena bubi to.

Didimanyisha 20:15

Muntu yonsu uvua kayi ne dina diende mu mukanda wa muoyi, bavua bamuela mu mayi manene atema kapia.

Yuda 1:6

Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Matayi 12:28

Bulelela, ndi ngipata mikishi mibi ku bukole bua Mueyelu wa Mvidi Mukulu. Ke bidi bileja ne: Bukalenga bua Mvidi Mukulu bukadi bufike kunudi.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

1 Yone 1:2

Pavua muoyi ewu umueneka, tuvua baumone. Ke patudi tunujadikilawu, tunumanyisha muoyi wa kashidi, uvua kudi Tatu, udi mumueneke kutudi.

Dibadika 21:9

Moshe kuenza nyoka wa tshiamu tshikunze, kumulembelejaye kulu. Nanku muntu yonsu uvuabu basuma kudi nyoka, uvua utangila nyoka wa tshiamu tshikunze, uvua ushala ne muoyi.