1 Yone 3:5 - MUKANDA WA MYIDI MUKULU

⁵ Nudi bamanye ne: Yezu Kristu wakamueneka bua kumusha bubi. Munda muende kamuena bubi to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nudi bamanye ne, Yeye wakamueneshibua bua kumusheye mibi; ne kamuena bubi munda muandi.

1 Yone 3:5 交叉引用

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

Ebrewu 9:26

Patupu, uvua mua kumvua makenga misangu ya bungi katshia bafuke buloba. Kadi Kristu mmumueneke mpindiewu, matuku a ku nshikidilu musangu amu umue bua kudilambula bu mulambu wa kujimija bubi.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 1:2

Pavua muoyi ewu umueneka, tuvua baumone. Ke patudi tunujadikilawu, tunumanyisha muoyi wa kashidi, uvua kudi Tatu, udi mumueneke kutudi.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

1 Petro 2:22

Kristu kavua muenze malu mabi. Bantu kabavua bamumvue musangu nansha umue wakula miaku ya dishima.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

1 Petro 1:20

Mvidi Mukulu kayi muanji kufuka buloba, ukavua mumane kusungula Kristu. Kadi matuku a ndekelu aa kudienzaye muntu bualu buenu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Yowanane 14:30

Tshiena mua kuyukila nenu kabidi bia bungi to. Bualu mfumu wa pa buloba ebu udi ulua. Kena mua kuntumina diyi to.

Yowanane 8:46

Wa munkatshi muenu udi mua kuntuisha ne: Uvua muenze bibi, nnganyi? Pandi ngamba bulelela, kanuena nungitaba bua tshinyi?

Yowanane 1:31

Tshivua mumumanye. Kadi ndi mulue kutua bantu mu mayi bua kumumanyisha kudi bena Izrayele.

Luke 23:47

Mfumu wa basolayi ba bena Rome umona bivua bienzeka, kutumbishaye Mvidi Mukulu, wamba ne: — Bushuwa, muntu ewu kavua ne bualu to.

Luke 23:41

Buetu tuetu, dinyoka edi pa bualu. mBatuenzele bilondeshile bituvua benze. Kadi yeye, kena ne bubi budiye muenze.

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.