1 Yone 2:7 - MUKANDA WA MYIDI MUKULU

⁷ Balunda banyi, tshiena nnufundila mukenji mupiamupia. Kadi udi mukenji wa kale unukavua bamane kupeta biangatshile ku ntuadijilu. Mukenji wa kale ewu ke muaku unukadi bamane kumvua.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bananga, tshiena nufundila mukenshi muhia-muhia, kadi mukenshi mukulukulu unuakadi nʼau ku tshibangidilu, mukenshi eu mukulukulu udi dî dinuakunvua.

1 Yone 2:7 交叉引用

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

1 Yone 3:11

Lumu lunuvua bumvue biangatshile ku ntuadijilu luvua nenku: tunangangane.

1 Yone 3:23

Ke mukenji udiye utuelela: tuitabe Muanende Yezu Kristu, tunangangane kabidi, muvua Kristu mututumine diyi

Dielulula 6:5

Nunange Maweja-Nangila Mvidi Mukulu wenu, ne muoyi wenu mujima, ne mutshima wenu onsu, ne bukole buenu buonsu.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

1 Yone 2:24

Nanku nulame bimpe munda muenu miaku inuvua bumvue biangatshile ku ntuadijilu. Pikala miaku inuvua bumvua biangatshile ku ntuadijilu ayi mishale munda muenu, nuenu kabidi nenushale mu bobumue ne Muana, kabidi ne Tatu.

Matayi 5:43

— Nudi bamanye muvuabu bambe ne: “Nanga muanenu, kina muluishi webe.”

Bienzedi 17:19

Nanku kuyabu nende mu tshipangu tshia Areyopaje, bamuebeja ne: — Udi mua kutumvuija bualu bupiabupia ebu, buudi ulongesha anyi?

Yowanane 13:34

Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

Ebrewu 6:9

Kadi, bana hetu basuibue, nansha tuakula nanku, tudi batekemene bikole kunudi, bamanye ne: nudi nuenda mu njila muimpe wa lupandu.

1 Yone 3:2

Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.

1 Yone 3:21

Nanku, balunda banyi, padi kondu ketu ka munda kakayi katupisha kabidi, tudi mua kumueneka kumpala kua Mvidi Mukulu katuyi ne dipampakana.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

1 Yone 4:7

Balunda banyi, tunangangane, bualu dinanga didi difume kudi Mvidi Mukulu. Muntu yonsu udi unanga, udi muana wa Mvidi Mukulu, kabidi mmumanye Mvidi Mukulu.

1 Yone 4:11

Balunda banyi, padi Mvidi Mukulu mutunange nanku, tuetu kabidi tudi ne bua kunangangana.

1 Yone 4:21

Mukenji uvua Kristu mutuambile udi nenku: muntu udi unanga Mvidi Mukulu, udi ne bua kunanga kabidi muanabu.