1 Yone 2:22 - MUKANDA WA MYIDI MUKULU

²² Kadi muena dishima nnganyi? Ke muntu udi wamba ne: “Yezu kena Kristu, Musungidi mutulaya.” Wa nanku ke Muluishi wa Kristu. Udi ubenga Tatu, ne Muana kabidi.

Mukanda wa Nzambi Dihungila Dikulukulu ne Dihungila Dihia-dihia 2003

²² Nganyi udi muena mashimi, anu yeye udi uvila ne, Yesu kena Kilisto? Yeye udi uvila Tatu ne Muana, eu udi mufuilakanyi ne Kilisto.

1 Yone 2:22 交叉引用

2 Yone 1:7

Bena dishima bavule mbatangalake munkatshi mua bantu. Kabena bitaba ne: Yezu Kristu mmudienze muntu menemene. Muntu udi wenza malu a nanku mmuena dishima, kabidi mMuluishi wa Kristu.

1 Yone 4:3

Kadi muntu yonsu udi ubenga kujikula patoke bualu ebu, kena ne Mueyelu wa Mvidi Mukulu to. Mueyelu udiye nawu ngwa Muluishi wa Kristu. Nudi bamanye ne: Muluishi awu uvua ne bua kufika. Mpindiewu ukadi munkatshi mua bantu.

1 Yone 2:18

Bana banyi, nshikidilu ukadi pabuipi! Nukadi bumvue ne: Muluishi wa Kristu neafike. Kadi mpindiewu baluishi bavule ba Kristu bakadi bapatuke. Ke patudi bamanye ne: nshikidilu ukadi pabuipi.

Yuda 1:4

Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.

1 Yone 4:20

Muntu udi wamba ne: “Ndi munange Mvidi Mukulu,” kadi ukina muanabu, mmuena dishima. Bualu kena mua kunanga Mvidi Mukulu udiye kayi umona, padiye ukina muanabu udiye umona.

1 Yone 2:23

Bualu muntu udi ubenga Muana, udi ubenga kabidi ne Tatu. Kadi udi witaba Muana, udi udisanga kabidi ne Tatu.

1 Yone 1:6

Tuetu bambe ne: tudi mu bobumue ne Mvidi Mukulu, patutshidi tuenda mu miidima, bitudi tuamba ne bitudi tuenza mbia dishima.

1 Yone 2:4

Padi muntu wamba ne: “Ndi mumanye Mvidi Mukulu,” kayi utumikila mikenji yende, udi muena dishima. Bulelela kabuena munda muende to.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.

Matayi 24:5

Bualu bantu bavule nebafike, bangata dina dianyi, banuambila ne: “Meme ndi Kristu!” Nebashime bantu ba bungi.

Matayi 24:24

Bualu baKristu ba dishima ne bambi ba dishima nebamueneke. Nebenze bishima binene, ne malu a dikema, bifuane mua kudinga bantu mene badi Mvidi Mukulu musungule, bu biobi mua kuenzeka.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.