1 Yone 2:17 - MUKANDA WA MYIDI MUKULU

¹⁷ Bia panu bidi bienda bijimina. Bionsu bidi bantu bajinga panu bidi bipita. Kadi udi wenza tshidi Mvidi Mukulu musue, ke udi ushala ne muoyi kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Buloba budi bujimina ne lukuka luabu kabidi; kudi yeye udi wenza mudi disua dia Nzambi udi ushalaku tshiendelele.

1 Yone 2:17 交叉引用

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

1 Korente 7:31

badi bakuata mudimu ne bia panu, basombe bu badi kabayi bakuata nabi mudimu. Bualu bia panu kabiena binenga kabidi mutantshi mule to.

1 Petro 4:2

Nanku bituadije ku mpindiewu, matuku anutshidi mua kusomba panu, kanulondi majinga mabi a buntu buenu. Nukebe amu tshidi Mvidi Mukulu musue.

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.

Marke 3:35

Bualu muntu udi wenza mudi Mvidi Mukulu musue, yeye awu udi muanetu wa balume, ne wa bakaji ne mamu wanyi kabidi.

1 Petro 1:5

Nanku mmusue kunulama ne tshianza tshiende tshikole mu njila wa ditaba, bua nupete lupandu ludi ne bua kumueneka ku ndekelu wa bidimu.

1 Tesalonike 4:3

Mvidi Mukulu mmusue bua nulekele malu a bundu, nuikale bantu ba tshijila.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Misambu 143:10

Undongeshe mua kuenza tshiudi musue, bualu wewe ke Mvidi Mukulu wanyi. Mueyelu webe mulenga undudike mu njila udi kayi ne njiwu.

Matayi 7:21

— Bantu badi bambikila ne: “Mfumu, Mfumu,” kabena babuela bonsu mu Bukalenga bua mu diulu to, amu badi benza tshidi Tatu wanyi udi mu diulu musue.

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.

Yowanane 6:58

Edi ke diampa difume mu diulu. Kadiena bu divuabu badie kudi bankambua benu bakadi bamane kufua. Muntu udi udia diampa edi neikale ne muoyi tshiendelele.

Matayi 21:31

Ku bana babidi aba, udi muenze tshivua tatuende musue nnganyi? Kumuandamunabu ne: — Anu muana wa kumpala. Nanku Yezu kubambila ne: — Ndi nnujadikila bulelela ne: balambuishi ba bitadi, ne bakaji bena buendenda, nebanudianjidile mu Bukalenga bua Mvidi Mukulu.

1 Tesalonike 5:18

Nuele Mvidi Mukulu tuasakidila mu malu onsu adi enzeka. Ke tshidi Mvidi Mukulu unulomba nuenu badi badisanga ne Yezu Kristu.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Nsumuinu 10:25

Bantu babi badi bafue mu tshikondu tshia tshipupu, kadi bakane badi batshikolela kashidi.

Kolose 1:9

Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Misambu 90:9

Matuku etu a panu adi ajika, bualu adi ashikila amu patshidi muntu ukuula muoyi.

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 102:26

Wakafuka buloba kale, diulu didi mudimu wa bianza biebe.