1 Yone 2:13 - MUKANDA WA MYIDI MUKULU

¹³ Batatu, ndi nnufundila, bualu nudi bamanye Udiku biangatshile ku ntuadijilu. Bansonga, ndi nnufundila, bualu nudi batshimune Muena bubi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Batatu, udi nufundila mukanda, bualu bua nudi bamanye Yesu udi wa ku tshibangidilu. Bansongalume, ndi nufundila makanda, bualu bua nuakuhita mubi bukole. Bana banyi, nakunufundila makanda, bualu bua nudi bamanye Tatu.

1 Yone 2:13 交叉引用

Yowanane 14:7

Panudi bammanye meme, nenumanye kabidi Tatu wanyi. Mpindiewu nukadi bamumanye, kabidi nukadi bamumone.

1 Yone 2:14

Bana, ndi nnufundila, bualu nudi bamanye Tatu. Batatu, ndi nnufundila, bualu nudi bamanye Udiku biangatshile ku ntuadijilu. Bansonga, ndi nnufundila, bualu nudi ne bukole. Muaku wa Mvidi Mukulu udi munda muenu, kabidi nudi batshimune Muena bubi.

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

1 Yone 1:1

Tudi tunufundila bua Muaku udi upetesha muoyi. Muaku awu uvuaku biangatshile ku tshibangidilu tshia bionsu. Tuvua bawumvue, baumone ne mesu etu, bautangile, baulenge ne bianza bietu.

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

1 Yone 5:18

Tudi bamanye ne: muana wa Mvidi Mukulu nansha umue kena utungunuka ne dienza dia malu mabi, bualu Muana wa Mvidi Mukulu udi umulama. Nanku Muena bubi kena mua kumuenzela bualu.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Yone 2:12

Bana banyi, ndi nnufundila, bualu mbanujimijile mibi yenu mu dina dia Kristu.

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

Tite 2:6

Ubele kabidi bansonga bua bikale ne meji.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Yowanane 16:3

Nebanuenze nanku, bualu kabavua bamanye Tatu, nansha meme.

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Yowanane 8:19

Bobu kumukonka ne: — Tatu webe udi penyi? Yezu kubandamuna ne: — Kanuena bamanye nansha meme, nansha Tatu. Bu nuenu bammanye meme, nuvua mua kumanya kabidi Tatu wanyi.

Matayi 13:38

Budimi ke bantu. Ntete mimpe mbantu badi banyisha Bukalenga. Lupela mbantu badi bitaba Muena bubi.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Nsumuinu 20:29

Dikanda dia bansonga ke buimpe buabu. Lumu lua bantu banunu ke nsuki yabu mitoke.

Misambu 91:14

Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

1 Timote 5:1

Kubedi mukulumpe ne lonji nansha. Kadi uyukile nende, mumutangile bu tatuebe. Uyukile ne bansonga, mubatangile bu bana benu.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Misambu 148:12

Nuenu bana ba balume ne ba bakaji, bansongalume ne bakulumpe, numutumbishe.

Matayi 5:37

Nuikale nuitaba amu ne: “eyowa”, nansha nubenga ne: “to.” Bionsu binudi nusakidila bidi bifuma kudi Muena bubi.

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Didimanyisha 2:7

“Bidi Mueyelu wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nenganyishe bua badie tshimuma tshia mutshi wa muoyi, udi mu lupangu lua Mvidi Mukulu.”

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.