1 Samuele 9:17 - MUKANDA WA MYIDI MUKULU

¹⁷ Nanku anu Samuwele umona Shawule mutshikale kule, Maweja-Nangila kuambila Samuwele ne: “Tangila muntu umvua mukuambile. Yeye neikale mukalenga wa bantu banyi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hakatangila Samuele Shaula, Yehowa wakamuambila ne, Mona muntu unakukuambila, kayeye au! Yeye mene neakokeshe bantu banyi.

1 Samuele 9:17 交叉引用

Osheya 13:11

Meme kunupesha bakalenga, kadi ne tshiji! Bu mumvua munufikile munda, meme kununyengabu.

Bienzedi 13:21

Kadi bankambua betu kulomba mukalenga kudi Mvidi Mukulu. Yeye kubapesha Shawule, muana wa Kishe, wa mu tshisamba tshia Binyamine. Kushalaye mu bukalenga bidimu makumi anayi.

Nehemya 13:25

Meme kubatandisha, kubela milawu. Meme kutuuta bantu bakuabu, kubatula nsuki. Pashishe meme kubambila bua baditshipe kudi Mvidi Mukulu, bua kabaseleshi kabidi bana babu kudi bantu benyi. Kabidi kabaseledi babu bana bakaji ba bantu benyi. Bobu bine kabena mua kusela bakaji ba bantu benyi.

Nehemya 13:19

Nanku, kutuadija ku musangu ewu, meme kutuma diyi bua binjile biibi bia Yerushalayime padi butuku buila, Dikisha kadiyi dianji kutuadija. Bavua mua kubiunzulula amu pavua Dikisha dijika. Meme kuteka bena mudimu banyi bakuabu ku biibi, bua kukandika bantu kababuedi mu tshimenga ne bintu bia kupana dituku dia Dikisha.

1 Samuele 3:13

Meme Maweja-Nangila mvua mumane kuambila Eli ne: Nennyoke bena nzubu webe kashidi. Bualu bana bebe ba balume bavua benza bibi, kabayi bannemeka. Kadi, Eli uvua mumanye buenzayi bua bana bende, kayi ubabela to.

1 Samuele 9:18

Shawule usemena pabuipi ne Samuwele ku tshiibi tshia tshimenga, kukonkaye Samuwele ne: — Bu wewe musue, ndeja ku nzubu kua mumonyi wa malu.

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.