1 Samuele 8:18 - MUKANDA WA MYIDI MUKULU

¹⁸ Pashishe nenudidile Maweja-Nangila bua mukalenga unuikala badisunguile awu. Kadi Maweja-Nangila kakunuteleja to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mu dituku adi nenudie bua mukelenge unuakadisunguila, kadi Yehowa kena ununvuila mu dituku adi nansha.

1 Samuele 8:18 交叉引用

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yeshaya 8:21

Nebapite mu ditunga baletele ne nzala. Pabapita nzala, nebapende mukalenga wabu, ne Mvidi Mukulu wabu. Bantu nebatangile kulu,

Luke 13:25

“Padi mfumu wa nzubu ujuka bua kukanga tshiibi, nuenu nenuikale pambelu, nukokola ku tshiibi, nuamba ne: ‘Mfumu, utunzuluile!’ Kadi mfumu neanuandamune ne: ‘Tshiena mumanye kunudi nufuma to!’

Nsumuinu 21:13

Muntu udi ubenga kuteleja lubila lua muena dikenga, nebabenge kuteleja kabidi luende diba didiye mu dikenga.

Misambu 18:41

Udi unyemesha baluishi banyi. Ndi mbutula badi nanyi lukuna.

Yobe 27:9

Padi dikenga dimukuata, yeye mutendelele Mvidi Mukulu, neamuteleje anyi?

1 Samuele 8:17

Ku mikoku yenu ne ku mbuji yenu dikumi, neangate tshimuna tshimue. Mu tshikosu, nenuikale bapika bende.

2 Kulondolola 10:11

Tatu wanyi uvua munuambuishe bujitu bupite. Meme nemvudije bujitu buenu bikole bipite. Tatu wanyi uvua ununyoka ne mikaba. Kadi meme nennunyoke ne mikaba idi ne biamu ku nsongu.”

Yobe 27:8

Muntu udi kayi muitabe Mvidi Mukulu, padi Mvidi Mukulu umunyenga Mueyelu wende, udi ushala ne tshinyi?

Yeshaya 59:1

Nudi nuela meji ne: maboku a Mvidi Mukulu kaena male makumbane bua kunusungidila anyi? Nudi nuela meji ne: matshi a Maweja-Nangila adi mapate, kaayi mua kunuteleja anyi?

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.