1 Samuele 31:7 - MUKANDA WA MYIDI MUKULU

⁷ Bena Izrayele bavua base luseke lukuabu lua tshibandabanda, ne bavua dishiya dia Yardene, kumvuabu lumu ne: bena mvita ba bena Izrayele mbanyeme bena Peleshete, kabidi ne: Shawule ne bana bende mbafue mu mvita amu. Nanku bena Izrayele kunyema, kushiya bimenga biabu. Bena Peleshete kuasa mu bimenga abi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakatangila Bena Isalele bakadi ku luseke lukuabo lua tshibanda ne bakadi dishiya dia musulu wa Yadene ne Bena Isalele bakuabo bakanyema ne Shaula ne bana bandi balume basatu bakafua, bobo kabidi bakumuka mu misoko yabo, bakanyema; hashishe Bena Peleshete bakabuela mu misoko yabo, bakashikamamu.

1 Samuele 31:7 交叉引用

1 Samuele 13:6

Bena Izrayele bamone baluishi bamane kubafinakaja, kuyabu kusokoma ku mikuna mu biina, mu mikela, mu mbuebue, mu nyongolu ne mu milundu.

Balombodi 6:2

Bena Madiyane kukengesha bena Izrayele bikole. Bua kunyema bena Madiyane, bena Izrayele kuya kusokoma mu milundu, mu njila ya mu mbuebue, ne mu miaba mikuabu ya mu mikuna mipulumuke.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

Lewitiki 26:32

Nennyangakaje ditunga dienu bikole. Nansha baluishi benu bine bapinganamu, nebakeme be.

1 Samuele 31:6

Ke muvua Shawule mufue dituku dimue ne bana bende basatu, ne muntu uvua mumuambuile bia lufu, ne bena mvita bende bonsu nanku.

1 Samuele 31:8

Butshia dinda, bena Peleshete kuya bua kuangula bintu bia bantu bavua bafue. Kusanganabu tshitalu tshia Shawule ne bia bana bende basatu pa mukuna wa Ngilbowa.

1 Samuele 13:7

Bantu bakuabu kusabuka musulu wa Yardene bua kusokoma mu buloba bua Ngade ne bua Ngilaade. Diba adi, Shawule utshivua anu mu Ngilgale. Bena mvita bonsu bavuaye nabu bavua bazakala bua bowa.