1 Samuele 30:14 - MUKANDA WA MYIDI MUKULU

¹⁴ Bangabanga tuvua baluishe bantu badi basombe kuinshi mu ditunga, mu buloba bua bena Kereti, bua bena Yuda ne bua bena Kalebe. Pashishe tuetu kuosha tshimenga tshia Siklaje.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tuakahaula bintu ku luseke lua Sude lua Bena Kelete ne lua Bena Yuda ne lua Kaleba; luakosha Sikelaga ne kahia.

1 Samuele 30:14 交叉引用

Sefanya 2:5

Nuenu badi bafumine ku Kaftore, basombe ku muelelu wa mayi manene, nudi bena diakabi! Maweja-Nangila udi wamba ne: “Wewe Kenaane, ditunga dia bena Peleshete nenkunyangakaje. Neushale munda mutupu.

Yezekiyele 25:16

Nanku, meme Maweja-Nangila Mvidi Mukulu ndi mbamanyisha ne: Nembanyoke. Nembutule bantu bonsu aba badi bafume ku Kaftore, baye kusomba ku muelelu wa mayi manene.

1 Bakalenga 1:44

Davide mmutume diyi kudi mutuangaji Sadoke, kudi muambi Natane, kudi Benaya, muana wa Yoyada, ne kudi bena Kreti ne bena Peleti badi bamulame, bua baye ne Shelomu. Bantu abu, bavua babandishe Shelomu pa nyama wa mpunde wa bukalenga.

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

2 Samuele 8:18

Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

1 Samuele 30:16

Nsongalume wa bena Ejipitu kufikisha Davide muaba uvua bena Amaleke. Kusanganabu bena Amaleke batangalakangana mu buloba bujima, badia, banua, benza tshibilu ne bintu bipite bungi, bivuabu bapawule mu ditunga dia bena Peleshete, ne mu ditunga dia bena Yuda.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

Yoshua 15:13

Kalebe, muana wa Yefune, uvua mupete tshitupa tshia buloba bua bena Yuda, anu bu muvua Maweja-Nangila mumane kuambila Yoshuwa. Bavua bamupesha tshimenga tshi Kiriyate-Arba, tshidibu binyika Arba, nkambua wa bena Anake. Kadi lelu badi binyika tshimenga tshia Arba dina dikuabu dia Ebrone.

Yoshua 14:13

Yoshuwa kuela Kalebe, muana wa Yefune, lupemba, kumupesha tshimenga tshia Ebrone.

1 Kulondolola 18:17

Benaya, muana wa Yoyada, uvua mulombodi wa bena Kereti ne bena Peleti, bena mvita bavua balama mukalenga Davide. Bana ba Davide bavua ne muanzu munene mu bukalenga buende.

Yoshua 21:12

Kadi madimi ne misoku bivua bena tshimenga atshi batangila, bavua bamane kubiabanyina Kalebe, muana wa Yefune.

1 Samuele 25:3

Dina dia muntu awu Nabate. Mukajende uvua Abiyayile. Mukaji ewu uvua ne mpala muimpe, kabidi muikale ne lungenyi. Kadi, bayende Nabale uvua ne malu makole, muikale ne lonji. Nabale uvua wa mu diku dia Kalebe.

1 Samuele 30:13

Davide kukonka nsongalume awu ne: — Udi muena nganyi? Udi ufuma penyi? Nsongalume kuandamuna ne: — Ndi muena Ejipitu, ndi mupika wa bena Amaleke. Mfumuanyi mmunshiye, kudi matuku asatu, bualu mvua nsama.

1 Samuele 30:15

Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.