1 Samuele 29:4 - MUKANDA WA MYIDI MUKULU

⁴ Balombodi ba mvita ba bena Peleshete, kufiikila mukalenga Akishe munda, bamuambila ne: — Umushe muntu ewu, apingane mu tshimenga tshiudi mumupe bua kusomba. Kena mua kuikala netu mu mvita to. Udi mua kutukudimukila, munkatshi mua mvita bua kutuluisha. Bualu bua kumunangabu tshiakabidi kudi Shawule mfumuende wa kale, Davide kena mua kufila bena mvita betu mu bianza bia Shawule anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi baminyampala ba Bena Peleshete bakadi nʼandi tshiji, baminyampala ba Bena Peleshete bakamuambila ne, Hingasha muntu au ku muaba wandi uwakamuha, kayi biandi nʼetu mu nvita ei bua yeye kandamuki muena lukuna wetu. Muntu eu nealengeshe munda ne mukelenge wandi munyi? Kena mua kulengesha ne mitu ya bantu aba, anyi?

1 Samuele 29:4 交叉引用

1 Samuele 14:21

Nanku, bena Ebrewu bakuabu bavua babuele kale ku bumfumu bua bena Peleshete, kudisangisha ne bena Izrayele luseke luvua Shawule ne Yonatane.

1 Kulondolola 12:19

Nanku Mueyelu wa Mvidi Mukulu kutulukila Amashayi, mulombodi wa “Tshisumbu tshia bena mvita Makumi asatu.” Kuelaye lubila, wamba ne: — Tudi nebe, tudi ku luseke luebe wewe, Davide, muana wa Ishayi! Upete diakalenga, wewe ne bonsu badi bakuambuluisha, bualu Maweja-Nangila mmumane kukuambuluisha. Ke Davide kubakidila, kubateka balombodi ba bena mvita bende.

Luke 16:8

Ke Mfumu kutumbisha mulami wa bintu ewu, bualu mmukuate mudimu ne budimu. Bualu bantu ba panu badi badimukila binabu, bapite mudi bantu badi benda mu butoke benza.

1 Samuele 27:6

Anu dituku adi, mukalenga Akishe kupesha Davide tshimenga tshia Siklaje. Ke padi tshimenga etshi tshishale mu buloba bua bukalenga bua Yuda too ne mpindiewu.

1 Samuele 29:9

Mukalenga Akishe kuandamuna ne: — Ndi mumanye ne: kuena ne bualu to. Wewe udi munsankishe. Ndi mukumone amu bu mutumibue wa Mvidi Mukulu. Kadi balombodi ba bena mvita ba bena Peleshete bangambidi ne: “Davide kena mua kuikala netu ku mvita to!”

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

Ekesode 1:10

Nanku, tukebayi mushindu wa kubapumbisha bua kabavudianganyi to. Tshianana pafika bena mvita, badi mua kudisanga ne bena lukuna betu bua kutuluisha, pashishe kumuka mu ditunga.

1 Kulondolola 12:20

Bantu ba mu tshisamba tshia Menashe bakafua bamane kumyuangana ne Davide, tshikondu tshivua Davide ne bena Peleshete baye kuluisha Shawule. Bushuwa, Davide ne bantu bavuaye nabu kabavua badisanga ne bena Peleshete bua kuluangana to. Bualu balombodi ba bena mvita ba bena Peleshete bavua babipata, bambilangana munkatshi muabu ne: “Davide neadisange ne mfumuende wa kale Shawule, bua kutufila mu bianza biende.”