1 Samuele 25:39 - MUKANDA WA MYIDI MUKULU

³⁹ Davide umvua lumu lua lufu lua Nabale, kuambaye ne: — Ndi nsakidila Maweja-Nangila, udi munsungidile kudi Nabale uvua umpenda. Ndi mmuela kabidi tuasakidila, bualu mmunkandike bua meme kuenza bibi, bua tshipingajidi Nabale bubi buende. Ke Davide kutuma bantu kudi Abiyayile, bua kumuambila ne: Davide mmusue bua wikale mukajende.

Mukanda wa Nzambi Dihungila Dikulukulu ne Dihungila Dihia-dihia 2003

³⁹ Hakunyua Davidi ne, Nabala wakafua, yeye wakamba ne, Yehowa asankishibue bualu bua yeye wakungakuila bua bundu bunakaheta ku tshianza tshia Nabala, wakakanda muntu wandi bua yeye kenji bibi; Yehowa wakatangisha bienzedi bibi bia Nabala ha mutu handi. Davidi wakatuma bantu kudi Abigayila bua kumuangateye bu mukashi wandi.

1 Samuele 25:39 交叉引用

Nsumuinu 22:23

Bualu Maweja-Nangila neabakuile; kabidi neashipe badi babanyenga bintu.

1 Samuele 25:34

Bulelela, bu mudi Maweja-Nangila Mvidi Mukulu wa bena Izrayele ne muoyi, yeye ke udi munkandike bua tshienji bibi to. Nanku, ndi nkujadikila ne: bu wewe kuyi mufike lukasa bua kusambakena nanyi, malaba dinda mvua mbutula bantu bonsu ba mu diku dia Nabale.

1 Samuele 25:26

Mpindiewu bu mudi Maweja-Nangila ne muoyi, ne bu muudi wewe ne muoyi, Maweja-Nangila nkayende akukandike bua kushipianganyi, bua kudisombuedi wewe mukalenga to. Kadi baluishi bebe, ne bonsu badi bakuenzele bibi, babanyoke mudibu ne bua kunyoka Nabale.

Misambu 7:16

Udi umbuila bakuabu tshiina tshile, neadishinde mu tshiina tshiende atshi.

1 Bakalenga 2:44

Udi muvuluke malu mabi onsu auvua muenzele tatu wanyi Davide anyi? Udi anu mumanye bionsu abi. Nanku, Maweja-Nangila neakusombuele nkayende bua buenzayi buebe.

1 Samuele 25:32

Davide kuandamuna Abiyayile ne: — Ndi ngela Maweja-Nangila wa bena Izrayele tuasakidila. Yeye ke udi mukutume bua meme kusambakena nebe mpindiewu.

1 Samuele 24:15

Mukalenga Shawule, uudi wenda ukeba nenku nnganyi? Udi wenda unkeba anu meme Davide. Kadi, meme ndi anu bu mbua mumane kufua, nansha bu tshipu!

2 Timote 4:18

Mfumu neansungidile ku malu mabi onsu. Neambueje buludi mu Bukalenga buende bua mu diulu. Butumbi buikale kudi Mfumu kashidi! Amene.

1 Tesalonike 5:23

Mvidi Mukulu udi utupa bupole, anuambuluishe bua nuikale bantu bende menemene. Anulame ne mueyelu wenu, muoyi, ne mubidi, bua kanuikadi ne bubi, too ne dituku diafika Mfumu wetu Yezu Kristu.

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.

Musambu wa Solomo 8:8

Tudi ne muanetu wa bakaji, kadi utshidi muana mutekete. Kena muanji kuasa mabele to. Netumuenzele tshinyi, padi diba dia kumusela dikumbana?

Nsumuinu 31:30

Bulenga bua mpala budi bushima, buimpe bua kuisu budi bujika. Amu mukaji udi witaba Maweja-Nangila ke utudi mua kutua makumbu.

Nsumuinu 31:10

Mukaji wa tshitembu, mbikole bua kumupeta! Udi mupite mabue a busanga ku mushinga.

Nsumuinu 19:14

Nzubu ne biuma mbintu bidi muntu mua kupiana kudi batatuende. Kadi mukaji wa meji badi bamupetela amu kudi Mvidi Mukulu.

Nsumuinu 18:22

Muntu udi mupete mukaji, udi mupete diakalenga. Ke dipa didi Maweja-Nangila umupesha.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Balombodi 5:2

Mu Izrayele, muntu yonsu mmusulule nsuki yende. Bena Izrayele mbadifile ku mvita: Nuele Maweja-Nangila tuasakidila!

2 Korente 13:7

Tudi tulomba Mvidi Mukulu bua kanuenji bualu bubi nansha bumue. Katuena tujinga kudileja ne: tudi ne bukole. Kadi tshitudi tujinga tshidi amu ne: nuenze malu mimpe. Nansha tuetu bimueneka bu bantu badi kabayi ne bukole, ki mbualu to.

1 Samuele 25:40

Bantu abu bafike kudi Abiyayile ku Karmele, kumuambilabu ne: — Davide mmututume, bua kukuangata bua wikale mukajende.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

Misambu 9:5

Paudi usomba mu nkuasa webe, udi ulumbuluisha tshilumbu amu pa tshiotshi. Ke muudi mukose nsambu yanyi, mumbingishe.