1 Samuele 25:11 - MUKANDA WA MYIDI MUKULU

¹¹ Meme ndi mua kuangata diampa dianyi, mayi anyi a kunua, ne munyinyi undi mulongoluele bantu badi bakosa miosa ya mikoku yanyi, bua kupesha bantu bandi tshiyi mumanye nansha muaba udibu bafume!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nengangate bidia bianyi ne mai anyi ne munyinyi wanyi unakashihela bakoshi banyi ba miosa ya mikoko bua kubifila kudi bantu bandi tshiyi mumanye kuakafumabo, anyi?

1 Samuele 25:11 交叉引用

Balombodi 8:6

Bamfumu ba tshimenga kumuandamuna ne: — Tudi ne bua kupesha bena mvita bebe biakudia bua tshinyi? Udi mumane kukuata Zeba ne Salmuna anyi?

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

1 Petro 4:9

Nuakidilangane mu nzubu yenu, kanuyi nusodia.

2 Korente 6:9

Bamue badi batutangila bu benyi, bakuabu bu bantu badi bonsu bamanye. Tudi tupunga ne lufu, kadi nudi numona mutudi ne muoyi. Badi batunyoka, kadi kabena batushipa.

Yobe 31:17

Mvua mudie biakudia bianyi anu nkayanyi anyi? Mvua mupale muana nshiya bimvua nabi anyi?

1 Samuele 25:3

Dina dia muntu awu Nabate. Mukajende uvua Abiyayile. Mukaji ewu uvua ne mpala muimpe, kabidi muikale ne lungenyi. Kadi, bayende Nabale uvua ne malu makole, muikale ne lonji. Nabale uvua wa mu diku dia Kalebe.

1 Samuele 24:13

Maweja-Nangila nkayende akose tshilumbu tshidi pankatshi petu nebe. Amu yeye akunyoke bua malu mabi audi mungenzele. Kadi, meme tshiena mua kukusombuela to.

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

Balombodi 8:15

Pashishe Ngideyone kuya kudi bena tshimenga tshia Sukote, ubambila ne: — Nuvuluke mushindu unuvua bampende, nunkonka ne: “Bena mvita bebe, nansha bobu bapungile, tudi mua kubapesha biakudia bua tshinyi? Kabidi Zeba ne Salmuna, ukadi mumane kubakuata anyi?” Nanku ndi munutuadile Zeba ne Salmuna.

1 Samuele 25:7

Davide mumane kumvua lumu ne: bantu badi bakosa miosa ya bimuna badi ku nzubu kuebe. Kadi matuku onsu atudi ne balami ba mikoku yebe ku Karmele, katuena babenzele bibi to. Kabena bajimije tshintu nansha tshimue.

1 Samuele 25:12

Bantu bavua nabu Davide, kupingana kudi Davide, kumuambila bionsu bivua Nabale muambe.

Balombodi 8:8

Ngideyone kumuka mu tshimenga tshia Sukote. Kuyaye ku Penuyele. Kulombaye kabidi bena tshimenga atshi biakudia. Bena tshimenga kuandamuna anu mushindu uvuabu bandamuna kudi bena Sukote awu.