1 Samuele 25:10 - MUKANDA WA MYIDI MUKULU

¹⁰ Kadi Nabale kubakonka ne: — Davide wa Ishayi nnganyi? Matuku aa, bapika ba bungi badi batombokela bamfumu babu, babanyema.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nabala wakakudimuna bantu ba Davidi dî ne, Davidi udi nganyi? Muana wa Yishai udi nganyi? Bahika ba bungi badi batombokela bakelenge babo matuku â.

1 Samuele 25:10 交叉引用

Balombodi 9:28

Ngaale kubakonka ne: — Tuetu mu Shekeme, tudi bantu ba mushindu kaayi? Tudi baditeke ku bumfumu bua Abimeleke bua tshinyi? Abimeleke mene nnganyi? Udi anu muana wa Yerubaale! Mmuteke Zebule mulombodi wa tshimenga. Kadi nuenu bena Shekeme, nuitabe anu Amore uvua muase tshimenga tshia Shekeme! Katuena ne bualu butudi banangile Abimeleke to.

Yeshaya 32:7

Bantu bapale badi bamanye mua kukengesha bantu bakuabu bikole. Badi badilongolola, bua bamone mua kupisha bapele, pa kujadika malu a dishima. Ke mudi bena dikenga kabayi mua kubinga, nansha bobu kabayi ne bualu.

Yeshaya 32:5

Muntu mupote kabakumuangata kabidi ne mushinga to. Muntu wa tshidingidingi kabakumuteka kabidi mulongu wa bantu ba nsongu.

Muambi 7:10

Katudikonki ne: “Bikondu bia kale mbimpe bipite bia lelu bua tshinyi?” Lukonku lua nanku ludi luleja muudi kuyi muanji kupeta meji.

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

1 Samuele 22:2

Bantu bakuabu bu nkama inayi, bavua ne bilumbu, nansha bavua ne mabanza, nansha bavua babenga bulongolodi bua ditunga, kudisangisha muaba uvua Davide. Davide kushala mfumuabu.

1 Samuele 20:30

Shawule kufikila Yonatane munda bikole, umupenda ne: — Kana kalela kudi mbua! Ndi mumanye ne: udi musungule Davide, muana ewu wa Ishayi, bua kuikalaye mulunda webe. Kadi umanye ne: wewe ne mamuebe, bundu nebunukuate.

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

1 Samuele 25:9

Bantu bavua nabu Davide kuya kuambila Nabale bionsu bivua Davide mubambile abi. Pashishe, kushalabu bindile.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.