1 Samuele 23:9 - MUKANDA WA MYIDI MUKULU

⁹ Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Davidi wakamanya ne, Shaula udi ungelela tshifulu: nunku yeye wakabikila Ebeyatâ muakuidi, wakamuambila ne, Lua kundi ne efoda.

1 Samuele 23:9 交叉引用

1 Samuele 30:7

Davide kuambila mutuangaji Abiyatare, muana wa Akimeleke, ne: — Mpesha Urime ne Tumime, bintu bia tshijila, bua nkonke Maweja-Nangila. Abiyatare kumupesha bintu abi.

1 Samuele 23:6

Tshikondu tshivua Abiyatare, muana wa mutuangaji Akimeleke, munyemena kudi Davide mu tshimenga tshia Keyila, uvua mufike ne bintu bia tshijila bidi biambuluisha bua kukonka Maweja-Nangila malu.

Dibadika 27:21

Kadi Yoshuwa aye kuebeja mutuangaji Elazare bidiye ne bua kuenza. Mutuangaji akuate mudimu ne Urime, bua amanye tshindi musue, amanyishe Yoshuwa. Nanku Yoshuwa ne bena Izrayele bonsu nebakumbaje bionsu bidi mutuangaji Elazare ubambila.

Bienzedi 14:6

Polu ne Barnabase bamanya bualu ebu, kunyemabu mu Listra ne mu Derbe, bimenga bia mu Likawoniya.

Bienzedi 9:24

Kadi bantu bakuabu kumanyisha Shawule tshifufu tshiabu atshi. Baluishi bende kulama biibi bia tshimenga munya ne butuku, bua bamone mua kumushipesha.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

1 Samuele 22:20

Anu muntu umue Abiyatare, muana wa mutuangaji Akimeleke, kabidi muikulu wa Akitube, kupandukaye. Kunyemaye, kuya kudi Davide.

1 Samuele 14:18

Nanku Shawule kuambila mutuangaji Akiya ne: — Ambula mushete wa ndondu wa Maweja-Nangila, ufike nawu apa. (Dituku adi mushete wa ndondu uvua mu mitanda ya bena Izrayele).

1 Samuele 23:8

Shawule kubikidisha bena mvita bende bonsu bua kuya kuluisha Davide ne bantu bavuaye nabu mu Keyila.

1 Samuele 23:10

Pashishe Davide kukonka ne: — Maweja-Nangila, Mvidi Mukulu wa bena Izrayele, ndi mumvue lumu ne: Shawule udi udilongolola bua kufika munemu mu Keyila, bua kubutula tshimenga etshi bualu buanyi meme.

1 Bakalenga 2:26

Pashishe, mukalenga Shelomu kuambila mutuangaji Abiyatare ne: — Umuka munemu, uye ku Anatote, muaba udi madimi ebe, bualu udi mukumbanyine lufu. Kadi tshiena nkushipesha lelu to, bualu patshivua tatu wanyi Davide ne muoyi, uvua muambule mushete wa ndondu wa Maweja-Nangila Mvidi Mukulu. Kabidi uvua muambuluishe tatu wanyi mu makenga onsu avuaye nawu.

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

1 Samuele 10:22

Kukonkabu kabidi Maweja-Nangila ne: — Muntu ewu mmufike muaba ewu anyi? Maweja-Nangila kuandamuna ne: — Nuye kutangila munkatshi mua mabuki, ke muaba udiye musokome.