1 Samuele 23:26 - MUKANDA WA MYIDI MUKULU

²⁶ Shawule ne bena mvita bende bavua benda basemena luseke lua mukuna. Davide ne bantu bavuaye nabu bavua benda babanda luseke lukuabu. Bualu bavua banyema bua kudipandisha kudi Shawule ne kudi bena mvita bende. Shawule uvua musue kubeela munkatshi bua kubakuata.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Shaula ne bantu bandi bakayila ku luseke elu lua mukuna, ne Davidi ne bantu bandi bakayila ku luseke lualua; Davidi wakaya lubilu bua kuhanduka, bualu bua yeye wakatshina Shaula; bualu bua Shaula ne bantu bandi bakadi bela Davidi ne bantu bandi munkatshi bua kubakuata.

1 Samuele 23:26 交叉引用

Misambu 17:9

Bantu babi badi bankengesha, bena tshikisu badi bangela munkatshi.

Didimanyisha 20:9

Badi batangalaka mu buloba bujima, banyungulukila mitanda ya bantu ba Mvidi Mukulu, ne tshimenga tshidi Mvidi Mukulu munange. Kadi kapia kadi katuluka mu diulu, kabosha kababutula.

2 Korente 1:8

Bana hetu, tudi basue bua numanye ne: makenga makole avua matukuate mu buloba bua Aziya. Avua matunemene bujitu. Bujitu abu buvua butupite bukole. Katutshivua batekemene kabidi ne: netushale ne muoyi.

Misambu 31:22

Maweja-Nangila, tuasakidila, uvua mundeje muuvua munnange bikole. Meme mvua bu tshimenga tshidibu baluisha.

Misambu 22:16

Muminu mmungume, ludimi lulamate mu tshilakalaka. Wewe kunshiya mu lupuishi bu tshitalu!

Misambu 22:12

Kushadi kule, bualu ndi mu dikenga! Kakuena udi mua kungambuluisha, amu wewe!

Misambu 17:11

Badi bamfmakaja, banjingila, bakeba kungela panshi.

2 Kulondolola 20:12

Maweja-Nangila Mvidi Mukulu wetu, kuena mua kubanyoka anyi? Katuena ne bukole bua kuluangana ne bena mvita aba bungi nenku, badi bavua kutuluisha. Tudi bapange tshia kuenza. Ke patudi batangile kuudi, tukusengelela.

2 Samuele 15:14

Nanku, mukalenga Davide kuambila balombodi ba mu bukalenga buende bonsu bavuaye nabu mu Yerushalayime ne: — Jukayi, tunyeme, bualu Absalome neakebe mua kutushipa. Kena mua kutulekela ne muoyi to. Tuyayi lubilu, bualu neafike lukasa bua kutuluisha. Neatukengeshe bikole, kabidi neabutule bena mu tshimenga bonsu.

1 Samuele 20:38

Nyema kolesha, kuimanyi to. Muena mudimu kuangula muketa. Kupinganaye nawu kudi mfumuende Yonatane.

1 Samuele 19:12

Ke Mikale kupatula Davide pa dididishi. Kunyemaye bua kushala ne muoyi.

Balombodi 16:2

Bena tshimenga atshi kumanya muvua Shimeshone mu nzubu mua mukaji awu. Nanku kunyungululabu nzubu. Kumualaminabu butuku bujima ku tshiibi tshia tshimenga. Kadi kabena bamuenzele bualu butuku abu to. Bivua bela meji ne: netumushipe amu dinda.

1 Samuele 23:25

Shawule ne bena mvita bende kuya kukeba Davide. Kuambilabu Davide bualu abu. Kuyaye kusomba mu lubuebue lunene luvua mu tshipela tshia Mayone. Shawule umanya ne: Davide udi muaba awu, kutuadijaye kumulondakaja mu buloba abu.

1 Samuele 23:27

Kadi muntu kufika muaba awu, kuambila Shawule ne: — Luaku lukasa, bena Peleshete badi baluisha bena ditunga!