1 Samuele 23:20 - MUKANDA WA MYIDI MUKULU

²⁰ Nanku, mukalenga, pawikala musue kumukuata, ufike. Tuetu netumukuate, tumufile mu bianza biebe.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nunku mukelenge, ulue biebe bu mudi mutshima webe musue kulua; bualu buetu nebuikale bua tuetu tumufile mu tshianza tshia mukelenge.

1 Samuele 23:20 交叉引用

1 Samuele 23:12

Davide kukonka kabidi ne: — Meme ne bantu bandi nabu, bena tshimenga tshia Keyila nebatufile kudi Shawule anyi? Maweja-Nangila kuandamuna ne: — Eyowa, nebanufile kudi Shawule.

Nsumuinu 29:26

Bantu ba bungi badi bakeba bua mfumuabu abanyishe. Kadi kua Maweja-Nangila muntu yonsu neapete tshidiye ne bua kupeta.

Nsumuinu 11:23

Bantu bakane badi bajinga kuenza bimpe. Bantu babi badi bakeba amu tshiji tshia Mvidi Mukulu.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Misambu 54:3

Mvidi Mukulu wanyi, umpandishe bua bantu banemeke dina diebe. Umbingishe, bualu udi ne bukole bua kuenza nanku.

2 Samuele 3:21

Abnere kuambila Davide ne: — Mukalenga, ndi musue kupingana bua kuyukila ne bena Izrayele bonsu bua bashale ku luseke luebe. Nebatue nebe ndondu. Nanku neushale mukalenga wa ditunga dijima bu muudi ujinga. Davide kulayangana bimpe ne Abnere. Awu kumuka, kabayi bamutatshishe kudi muntu.

Dielulula 18:6

Pikala muena Levi umuka mu tshimenga tshia bena Izrayele mudiye musombe, bua kuya muaba wikala Maweja-Nangila musungule,

1 Samuele 23:21

Shawule kubambila ne: — Maweja-Nangila anuele lupemba, bua luse lunudi bamfuile.

Nsumuinu 24:15

Kukebi kunyenga nzubu wa muntu muakane ne budimu, bu mudi muntu mubi wenza. Kumunyengi muaba udiye usomba.