1 Samuele 20:31 - MUKANDA WA MYIDI MUKULU

³¹ Kadi, teleja bimpe. Patshidi mulumiana ewu, muana wa Ishayi ne muoyi, umanye ne: kuena mua kujadika ne newikale mukalenga to. Nanku utume diyi, bakuate Davide, bafike nende apa, bualu udi ne bua kufua.

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu bua batshidi muana wa Yishai ne muoyo ha buloba, wewe ne bukelenge buebe kabiena bijadikibue. Nunku utume bantu, balue nʼandi kundi, bualu bua yeye neafue biandi bulelela.

1 Samuele 20:31 交叉引用

1 Samuele 20:8

Nanku, wewe undeje muudi munnange. Bualu tudi batue nebe ndondu wa bulunda mu dina dia Maweja-Nangila. Pangikala muenze bualu bubi bua mushindu kaayi, unshipe wewe nkayebe pa mutu pa kumfila kudi tatuebe Shawule.

1 Samuele 19:6

Shawule kumvua mibelu ya Yonatane. Kuambaye ne: — Bu mudi Maweja-Nangila ne muoyi, ndi nditshipa ne: kabena mua kushipa Davide to.

Misambu 79:11

Uteleje ne luse miadi ya bena lukanu. Wewe udi ne bumfumu bunene, upandishe bantu badibu bakeba kushipa.

2 Samuele 19:28

Kadi malu onsu adi muena mudimu wanyi mukuambile, mmunshiminyine. Nanku, mukalenga, wewe udi bu mutumibue wa Mvidi Mukulu, udi mua kuenza muudi musue.

1 Samuele 26:16

Bu mudi Maweja-Nangila ne muoyi, paudi ulengulula mudimu webe, kuena wenza bimpe to! Nuenu bena mvita bende bonsu, mbimpe banushipe, bualu kanuena balame mukalenga wenu Shawule bimpe to! Shawule mmukalenga musungula kudi Maweja-Nangila! Kadi, tangila ku mutu kua mukalenga: difuma diende ne mulondu wende wa mayi bidi penyi?

1 Samuele 20:30

Shawule kufikila Yonatane munda bikole, umupenda ne: — Kana kalela kudi mbua! Ndi mumanye ne: udi musungule Davide, muana ewu wa Ishayi, bua kuikalaye mulunda webe. Kadi umanye ne: wewe ne mamuebe, bundu nebunukuate.

1 Samuele 23:17

Kuambilaye Davide ne: — Kuena mua kutshina to. Tatu wanyi Shawule kena mua kukupeta to. Wewe newikale mukalenga wa bena Izrayele. Meme nengikale anu tshindonda tshiebe. Tatu mmumanye bionsu ebi.

2 Samuele 12:5

Davide kufikila mubanji awu munda bikole. Kuambilaye muambi Natane ne: — Maweja-Nangila udi ne muoyi, anteleje! Muntu udi muenze nanku, udi ne bua kufua!