1 Samuele 18:5 - MUKANDA WA MYIDI MUKULU

⁵ Misangu yonsu, ivua Shawule utuma Davide mu mvita, Davide uvua amu utshimuna. Ke muvua Shawule mumuteke mfumu, mulombodi wa bena mvita bende. Bena mvita bonsu, ne balombodi ba bena mvita ba mukalenga Shawule kusanka bikole bua bualu ebu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Davidi wakaya mu miaba yonso yakamutuma Shaula, wakadilama bu muena lungenyi; Shaula wakamuteka ku mutu kua bena nvita bandi: bualu ebu buakadi buimpe ku mesu kua bantu bonso ne ku mesu kua bahika ba Shaula kabidi.

1 Samuele 18:5 交叉引用

1 Samuele 18:30

Tshikondu atshi, bamfumu ba bena Peleshete kuya mu mvita bua kuluangana ne bena Izrayele. Kadi mu mvita yonsu, Davide uvua upete anu tshipeta tshimpe, tshipite tshia balombodi ba bena mvita ba Shawule bakuabu bonsu. Ke muvuaye mupete lumu lunene kudi bantu.

Kolose 4:5

Badi kabayi bena ditaba, sombayi nabu bimpe. Kanujimiji diba patupu.

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Misambu 1:3

Udi bu mutshi udi bantu bakuna ku muelelu wa mayi. Mutshi awu udi ukuama bimuma pa tshikondu tshiabi. Mabeji awu kaena mua kufubidila. Bionsu bidi muntu wa nanku wenza bidi amu ne tshipeta.

1 Samuele 13:2

Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

Genese 39:23

Mulombodi wa balami ba bena lukanu awu katshivua ulondolola bionsu bivua kudi Yozefe to, bualu Maweja-Nangila uvua ne Yozefe, umutatshisha diakalenga mu bionsu bivuaye wenza.

1 Samuele 14:52

Matuku onsu avua Shawule mushale mu bukalenga, uvua muluishe bena Peleshete bikole. Nanku misangu yonsu ivua Shawule upeta muntu wa dikima nansha wa mukitshi, uvua umuangata bua kuikalaye muena mvita wende.

1 Samuele 18:4

Yonatane kuvula tshinkutu tshivuaye muvuale, kutshipesha Davide. Kumupeshaye kabidi bilamba biende bia mvita, muela wa mvita, buta bua miketa, ne mukaba uvuaye muvuale.

1 Samuele 18:6

Pavua bena mvita bafuma ku mvita, Davide mumane kushipa Ngoliyate muena Peleshete, ke bakaji ba mu bimenga bionsu bia bena Izrayele kufika bua kuakidila mukalenga Shawule. Bavua bimba misambu, baja maja, balonda dikasa dia ngoma ne bisanji, bela mbila ya disanka.

1 Samuele 18:16

Kadi bena Izrayele bonsu ne bena Yuda bavua banange Davide bikole. Bualu Davide uvua ubalombola bimpe mu mvita.

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Balombodi 1:19

Maweja-Nangila nkayende uvua muambuluishe bena Yuda. Ke pavuabu bakuata miaba ya pa mikuna. Kadi kupangilabu mua kuipata bantu bavua base mu mpata, bualu bobu aba bavua ne matempu a mvita a biamu.

1 Samuele 3:19

Samuwele kukola, Maweja-Nangila uvua amu nende. Bualu buonsu buvua Samuwele wamba mu dina dia Maweja-Nangila, Maweja-Nangila uvua amu ubukumbaja.

2 Samuele 5:10

Nanku bukole bua Davide buvua buenda buvulangane, bualu Maweja-Nangila Mvidi Mukulu wa bena Izrayele uvua nende.

2 Kulondolola 17:3

Maweja-Nangila uvua nende, bualu Yosafate uvua muitabe Maweja-Nangila bu muvua nkambua wende Davide muenze ku ntuadijilu wa bukalenga buende. Kavua uya kudi mvidie Baale bua kumukonka malu to.