1 Samuele 18:14 - MUKANDA WA MYIDI MUKULU

¹⁴ Nanku, Davide uvua ne diakalenga mu midimu yonsu iwaye wenza, bualu Maweja-Nangila uvua umuambuluisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Davidi wakadilama bu muena lungenyi mu nshila yandi yonso; Yehowa wakadi nʼandi.

1 Samuele 18:14 交叉引用

Genese 39:23

Mulombodi wa balami ba bena lukanu awu katshivua ulondolola bionsu bivua kudi Yozefe to, bualu Maweja-Nangila uvua ne Yozefe, umutatshisha diakalenga mu bionsu bivuaye wenza.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

1 Samuele 16:18

Muena mudimu mukuabu kuamba ne: — Ndi mumanye muntu, muana wa Ishayi, muena mu Betleyeme. Udi mumanye mua kuimba lunkombe bimpe. Udi kabidi muntu wa mushinga mukole, mumanye mvita, mumanye mua kuakula ne meji. Udi ne mpala muimpe mutambe. Kabidi Maweja-Nangila udi nende.

Yoshua 6:27

Maweja-Nangila uvua ne Yoshuwa. Lumu lua Yoshuwa luvua lutangalaka ditunga dijima.

Bienzedi 18:10

Bualu ndi nebe. Muntu kakukulenga bua kukuenzela bibi to. Bualu mu tshimenga etshi bantu ba bungi mbanyi!

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

1 Samuele 10:7

Pikala bionsu ebi bienzeka, wewe neujadike bulelela ne: Mvidi Mukulu udi nanyi. Nanku, biangatshile tshikondu atshi, wikale wenza bionsu biudi mumone ne: mbikumbane.

1 Samuele 18:15

Pavua Shawule umvua ne: Davide udi ne diakalenga mu midimu yonsu iwaye wenza, uvua utshina Davide bikole.

2 Bakalenga 18:7

Maweja-Nangila uvua wambuluisha Izkiya. Izkiya uvua ne diakalenga mu bionsu bivuaye wenza. Izkiya kutombokela mukalenga wa bena Ashure, kubenga mua kushala ku bumfumu buende.

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Balombodi 1:19

Maweja-Nangila nkayende uvua muambuluishe bena Yuda. Ke pavuabu bakuata miaba ya pa mikuna. Kadi kupangilabu mua kuipata bantu bavua base mu mpata, bualu bobu aba bavua ne matempu a mvita a biamu.

1 Samuele 3:19

Samuwele kukola, Maweja-Nangila uvua amu nende. Bualu buonsu buvua Samuwele wamba mu dina dia Maweja-Nangila, Maweja-Nangila uvua amu ubukumbaja.

1 Samuele 19:8

Mvita kutuadija kabidi. Davide kuya kuluangana ne bena Peleshete, kubatshimunaye. Kunyemabu Davide.

2 Samuele 5:10

Nanku bukole bua Davide buvua buenda buvulangane, bualu Maweja-Nangila Mvidi Mukulu wa bena Izrayele uvua nende.

1 Kulondolola 18:6

Davide kuteka balombodi bende ba bukalenga mu Arame. Nanku bena Arame kushala ku bumfumu bua Davide, bamulambula bitadi. Ke muvua Maweja-Nangila mupeshe Davide bukole bua kutshimuna mvita yonsu nanku.

1 Kulondolola 18:13

Abishayi kubatekela balombodi. Bena Edome kushala ku bumfumu buende. Ke muvua Maweja-Nangila muambuluishe Davide bua atshimune mvita yende yonsu nanku.

2 Kulondolola 17:3

Maweja-Nangila uvua nende, bualu Yosafate uvua muitabe Maweja-Nangila bu muvua nkambua wende Davide muenze ku ntuadijilu wa bukalenga buende. Kavua uya kudi mvidie Baale bua kumukonka malu to.