1 Samuele 17:42 - MUKANDA WA MYIDI MUKULU

⁴² Ngoliyate utangila Davide, kumupepejaye, bualu Davide utshivua muana mukese, muikale ne mubidi mukunze, ne mpala muimpe mutambe.

Mukanda wa Nzambi Dihungila Dikulukulu ne Dihungila Dihia-dihia 2003

⁴² Muena Peleshete wakakenzakana, hakatangileye Davidi, wakamulengulula bualu bua yeye wakatshidi nsongalume, wakadi ne mpala lukunjila-kunjila, wakadi ne mpala muimpe.

1 Samuele 17:42 交叉引用

1 Samuele 16:12

Ke Ishayi kubikidisha muana awu. Nsongalume awu uvua ne mubidi mukunze, ne mpala muimpe mutambe, mesu abalakana. Ke Maweja-Nangila kuambila Samuwele ne: “Ke muana undi musungule ewu. Umujidile bua kuikalaye mukalenga.”

1 Samuele 17:33

Shawule kuandamuna ne: — Nansha, kuena mua kuluangana nende to. Utshidi muana mukese. Ngoliyate mmuluanangane mvita kutuadija ku buana buende.

Nsumuinu 16:18

Udi uditambisha neabutuke. Udi udisua neapone panshi.

1 Bakalenga 20:18

Benadade kuandamuna ne: — Padi bantu aba bafike bua kulomba ditalala, nubakuate ne muoyi. Kadi, pikalabu bafike bua kuluangana mvita, nubakuate anu ne muoyi!

1 Samuele 17:41

Ngoliyate ne muntu uvua kumpala kuende mumuambuile ngabu, bavua benda basemena pabuipi ne Davide.