1 Samuele 14:35 - MUKANDA WA MYIDI MUKULU

³⁵ Shawule kuashila Maweja-Nangila tshilambuilu. Ke tshilambuilu tshia kumpala tshivuaye pende mumuashile.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Shaula wakashila Yehowa tshioshelu; tshiakadi tshioshelu tshia diambedi tshiakashileye Yehowa.

1 Samuele 14:35 交叉引用

1 Samuele 7:17

Pashishe, Samuwele uvua upingana kuende ku Rama, muaba uvuaye ulumbuluisha bena Izrayele. Muaba awu, uvua muashila Maweja-Nangila tshilambuilu.

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

Osheya 8:14

Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

1 Samuele 7:12

Samuwele kuela diyi, wamba ne: “Maweja-Nangila ke udi mutuambuluisha too ne mpindiewu.” Samuwele kuambula dibue, kudimanyika pankatshi pa Mispa ne Shene. Kuinyikaye dibue adi dina ne: “Dibue-dia-diambuluisha.”

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.

Balombodi 21:4

Butshia dinda, bena Izrayele kuasa tshilambuilu muaba awu. Kulambulabu milambu ya kuosha, ne ya bobumue.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

1 Samuele 14:34

Pashishe, nuye kudi bantu, nubambile bafike muaba undi ewu. Muntu yonsu ikale ne wende ngombe, nansha mukoku. Bashipele nyama yabu ayi muaba ewu, pashishe nebayidie. Nanku kabakuenzela Maweja-Nangila bibi, padibu badia munyinyi, mutshikale ne mashi. Dilolu adi, muntu yonsu kufika ne nyama wende, kumushipelaye muaba awu.

2 Samuele 24:25

Davide kuasa tshilambuilu muaba awu. Kulambulaye Maweja-Nangila milambu ya kuosha ne ya bobumue. Nanku, Maweja-Nangila kufuila bena ditunga luse. Tshipupu tshia disama tshivua tshibakengesha kujikatshi.

Balombodi 6:24

Ngideyone kuenzela Maweja-Nangila tshilambuilu muaba awu, kutshinyikaye ne: “Maweja-Nangila udi ufila ditalala.” Mpindiewu tshilambuilu atshi tshitshidi mu Ofra, musoku wa mu diku dia Abiyezere.