1 Korente 9:3 - MUKANDA WA MYIDI MUKULU

³ Umvuayi mundi ndilumbuluila, mpisha badi banjana:

Mukanda wa Nzambi Dihungila Dikulukulu ne Dihungila Dihia-dihia 2003

³ Eku nkudividila kuanyi kudi bantu badi bandumbuluisha.

1 Korente 9:3 交叉引用

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!

Filipe 1:17

Bakuabu badi balongesha ne muoyi wa kunduisha, kabidi wa kudinga bantu. Badi bakeba kumvudijila makenga pandi mu lukanu apa.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

2 Korente 13:10

Ndi munufundile bionsu ebi, nansha mundi mutantshi mule, bua, pangafika, tshikadi ne tshilumbu tshia kunubela ne disu dikole. Bualu Mfumu mmumpeshe bumfumu ki mbua kunyangakaja Tshisumbu, kadi amu bua kutshibaka.

2 Korente 13:5

Dikonkayi! Nutshidi bena ditaba anyi? Ditetayi! Kristu utshidi munkatshi muenu anyi? Panudi kanuyi bamone nanku, nukadi bamuvile.

2 Korente 13:3

Nudi basue kujadika mudi Kristu wakuila mukana muanyi. Nanku nenujadike bualu ebu diba adi. Kristu kakunuteketela to. Kadi nealeje bukole buende munkatshi muenu.

1 Korente 14:37

Padi muntu wela meji ne: ndi muambi, nansha ne: ndi mupete dipa kudi Mueyelu, amanye ne: bindi munufundile ebi mmukenji wa kudi Mfumu.

Bienzedi 25:16

Mvua mubandamune ne: bena Rome kabena ne tshibidilu tshia kubindila muntu tshibawu, kayi muanji kutuilangana ne badi bamufunde, kayi mupete pa kudilumbuluila.

Bienzedi 22:1

— Batatu ne bana betu, ntelejayi. Bualu ndi musue kudilumbuluila mpindiewu kumpala kuenu.

Luke 12:11

“Panufilabu mu nzubu ya ditendelela ya bena Yuda, nansha kumpala kua balombodi ne bamfumu, bua banulumbuluishe, kanupampakanyi bua mushindu unudi mua kudilumbuluila, nansha bua binudi ne bua kuamba.

1 Korente 9:2

Nansha bakuabu kabayi bitaba ne: ndi mupostolu, kadi buenu nuenu ndi mupostolu. Nanku dijadika dia ne: ndi mupostolu, ke nuenu mene, bualu nudi badisange ne Mfumu.

1 Korente 9:4

Pandi nkuata mudimu, kabena ne bua kundisha, kabidi kunnuisha anyi?